Меню
16+

Сетевое издание «Будни района»

03.09.2021 10:35 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Къарабудагъгент 1 номерли орта школада

Автор: Багьавутдин Самадов

Билимлени гюнюне багъышлангъан шатлы чара сентябр айны 1-нде Къарабудагъгент бир номерли орта школада да оьтгерилди. Коронавирус аврув саялы, шо чараны барышында янгыз эсгерилген школаны 1-нчи ва школагъа янгы гелеген 1-нчи класланы охувчулары ортакъчылыкъ этдилер. Олай да, чараны барышында школаны муаллимлери ортакъчылыгъын болдурдулар.

Шатлы чараны башында школаны уллу класларыны охувчулары бир гиччирек сагьналашдырылгъан ­мюгьлетни гёрсетдилер. Шо ­мюгьлетде аслу гьалда адам яшавунда билим алмагъа ва билимли болмагъа тарыкълыгъы гьакъда айтылды. Демек, билими болмаса, яшавда ёл алмагъа бажарылмайгъыны ва яшамагъа къыйын болагъаны гьакъда ачыкълашдырылды.

Къарабудагъгент бир номерли орта школада оьтгерилген шатлы чарада ДР-ни печат ва маълумат министри Умаросман Гьажиев, Къарабудагъгент район администрацияны гьакимбашы Магьмут Амиралиев, ДР-ни Халкъ Жыйыныны депутаты Магьамматали Адзиев, Къарабудагъгент юртну башчысы Магьамматсолтан Гьасанов ва оьзге ёлдашлар ортакъчылыкъ этдилер.

Билимлени гюнюне багъышлангъан шатлы чараны барышында оьрде атлары эсгерилген гьюрметли къонакълар ва ёлбашчылар школаны муаллимлерин ва охувчуланы атына къутлав сёзлер ва ёравлар айтдылар.

Олар оьзлени сёйлевлеринде школаны муаллимлерине ва охувчуларына билим алывда оьрлюклеге ва уьстюнлеклеге етишмекни ёрагъан сонг, ватанны сюймеге ва тарбиялы болмагъа, патриот ва интернационал ругьда иш юрютмеге ва чалышмагъа чакъырдылар.

1-нчи сентябрде оьтгерилген Къарабудагъгент бир номерли орта школадагъы Билимлени гюнюне багъышлангъан шатлы чарада ­ачыкъ болгъаны йимик, 2021-2022-нчи охув йылда эсгерилген школагъа 38 охувчу оьзлени абатларын биринчилей алды ва билимни денгиз-дериясына чомулду.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4