Меню
16+

Сетевое издание «Будни района»

03.09.2021 10:24 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гьели орта школада

Автор: Нюрсагьадат Изамутдинова

Байрамча безенген Гьели орта школада охувчулар, ата-аналар ва муаллимлер Билимлени гюнюне багъышлангъан байрам чараны башланывун къаравуллап токътагъан. Байрамча гийинген, къолунда гюллер де булангъы охувчулар тизилип битген сонг, чараны юрютювчюлери – 9-нчу класны охувчулары Умсайбат Салавова ва Гюлженнет Сагьадуллаева байрам линейканы ортакъчыларын Билимлени гюню булан къутлады. Сонг олар 1-нчи класгъа гелеген охувчуланы, оланы клас ёлбашчылары Тотай Шираева, Халисат Рикматуллаева, Нурипат Ягьияева, Сакинат Давутова булан бирче байрам линейкасына чакъырды. Къолунда шарлар ва гюллер булангъы «первоклашкалар» линейкагъа тизилип токътады.

Гьели орта школаны ёлбашчысы Магьамматмухтар Жанибеков байрамны ортакъчыларын янгы охув йылны башланыву булан къутлады ва оьтген охув йылны гьасиллерин чыгъарып сёйледи. Сёз берилген къонакълар: «Къарабудагъгент район» муниципал къурулувну администрациясыны аппаратыны ёлбашчысы Жамалитдин Имакъов, «Гьели юрт» администрацияны къуллукъчусу Абдулла Алибеков, «Ручеёк» яшлар бавуну ёлбашчысы Нурияханум Камалутдинова охувчуланы, ата-аналаны ва муаллимлени янгы охув йылны башланыву булан къутлады ва уьстюнлюклер ёрады.

1-нчи класлагъа гелген гиччипавлар муаллимлеге ва школагъа багъышлангъан шиъруланы охуду, оьзлер яхшы охужакъгъа сёз берди. 1-нчи класланы муаллимлерини атындан сёйлеген Нурипат Ягьияева 1-нчи класлагъа гелген гиччипавланы къутлап, олар билимли болсун деп муаллимлер оьзлерден болагъан гьаракатны этежегин айтды.

Гиччипавланы «Биринчи зенг» байрам булан къутлагъан 11-нчи класланы охувчулары олагъа савгъатлар тапшурду.

Биринчи зенгни къакъмагъа 11-нчи класны охувчулары Абдулла Биярсланов, Нурипат Жанибекова ва 1-нчи класны охувчусу Маликат Давутова чакъырылды.

Чара гиччипавланы бийивю булан узатылды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3