Меню
16+

Сетевое издание «Будни района»

03.09.2021 10:22 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Билимлеге абат алынды

1-нчи сентябрде Россияны бары да школаларында янгы охув йылны биринчи зенги урулду. Къарабудагъгент билим берив управление яшланы ва муаллимлени аманлыгъы саялы, бек уллу байрам линейкаланы юрютмекни гери ургъан эди. Бизин Къакъамахи орта школагъа да шо гьалгъа гёре байрамны оьтгермеге тюшдю.

Байрам линейкада 1-нчи класланы охувчулары эретурду. Олар уьйде уьйренген шиъруларын гёнгюнден айтды ва оьзлеге муаллимлер айтагъан ёравлагъа тынглады. Школаны директору Зайналабит Мусаев, ОБЖ дарсланы муаллим Бадрутдин Къурбанов ва юрт администрацияны башчысы Нуритдин Мамаев 1-нчи класлагъа гелген охувчуланы къутлады ва олагъа кёп арив сёзлер айтды, билимли охувчулар ва бажарывлу адамлар болмакъны ёрады. Сонг Билимлени гюнюне багъышлангъан биринчи зенгни 1-нчи класланы охувчулары Бежав Мамаева ва Али Абдурагьимов къакъды. Линейкада ортакъчылыкъ этме сюеген яшланы аналары муаллимлени алдын ерли коронавирус инфекцияны яйылмагъыны алдын алмакъ учун этген тилевюне гёре школагъа маскалар булан гелген эдилер. Башгъа класланы охувчулары булан район билим берив управлениеден гелген тапшурувгъа гёре клас ёлбашчылары «Урок науки и технологии» деген дарслар юрютдюлер. Сонг школаны директору З.Мусаев муаллим коллективни Билимлени гюню булан бирдагъы керен къутлады ва школада яшлар ва ата-аналар булан коронавирус аврувгъа къаршы иш юрютмеге чакъырды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2