Меню
16+

Сетевое издание «Будни района»

03.09.2021 10:30 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

“Беслан эсибизден таймажакъ”

Автор: Нюрсагьадат Изамутдинова

Белгили кюйде, сентябр айны 3-нде Терроргъа къаршы ябушувну гюню белгилене. Шогъар байлавлу болуп август айны 30-ндан сентябр айны 3-не ерли Къарабудагъгент Баш китапханада терроргъа къаршы ябушувну гюнюне багъышлангъан чаралар оьтгерилди.

Шолай, алдагъы гюнлерде «Скажем терроризму – нет!» деген чара, «Мы против террора» деген сурат выставка, «Сердце помнить велит» деген эсделик сагьат, «День, который навсегда останется в памяти» деген китап выставка, «Беслан. Помнить, чтобы жить» деген лакъырлашыв чаралар ­оьтгерилди. Шо чараларда музейни къуллукъчулары, Къарабудагъгент гимназияны охувчулары, китапханаланы охувчулары ортакъчылыкъ этди. 17 йыл алъякъда, сентябр айны 1-нде, Беслан шагьарны школасында болгъан теракт бары да халкъны адатып, абдыратып къойгъан эди. Арадан 17 йыл гетсе де, шо гюнлени агъусу бугюнде де унутулмай, даимге унутулма да унутулмажакъ. “Заложниклер” деп, боевиклер школагъа гийирип, бегит­ген яшлар, ата-аналар, муаллимлер. Гючлю атылтывлар. Школагъа байрамгъа гелип, уьйге къайтмай къалгъан 334 адам…

Тек терактны балагьы бугюн де кёп ата-аналаны юрегин сызлата. Адамларын тас этгенлени, яшларын тас этген ата-аналаны, аналарын-аталарын тас этген яшланы гёзьяшларын къурутма, оланы гёнгюн алма сёзлер тапмайсан... Шо йылны сентябр айыны 3 гюнюн биз бир заманда да унутуп болмажакъбыз,-дей район маданият бёлюкню ёлбашчысы Найида Мурзаева.

-«Малайиклени шагьарында» эсделик къабурларда гьар даим шишалар булан таза ичеген сув, жанлы гюллер ва оюнчакълар салына… Шо уьч гюнню узагъында яшлагъа ичме сув бермей къыйнагъанланы адамгъа гьисаплама ярамай.

Сав дюнья шо гюнлер Беслан янгылыкълагъа тынглап ва къарап, къамавгъа алынгъанланы азат этивюн къаравуллап турду. Боевиклени оьзлеге багъып гёзленген савутларына 52 сагьат гёзлерин къаратып, яшаву къыркъыл­гъан, сувсуз-ашсыз жан берген яшланы ва уллуланы азап чегивюн бир заманда да унутма бажарылмайгъаны ачыкъ,-деп узата баш китапханачы А.Пашаева.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2