Меню
16+

Сетевое издание "Району яшаву"  «Будни района»

24.09.2021 09:48 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Тамазаларыбыз активлигин гёрсетди

Автор: Шихав Къайирбеков

Оьзге ерлерде йимик, бизин районда да сентябр айны 17-ден 19-у болгъунча РФ-ни Пачалыкъ Думасына ва ДР-ни Халкъ Жыйынына депутатлар сайлавлар оьр даражада къурумлу оьтдю.

32 сайлав участка районда эшиклерин ачып, сайлавчуланы Роспотребнадзорну бары да талапларын яшавгъа чыгъарып, къаршыладылар. Бары да сайлав участкаларда коронавирус инфекция аврувну алдын алывгъа байлавлу тарыкълы алатлар, дезинфекция къураллар булан таъмин этилген эди. Сайлавланы гюнлеринде сайлав участ­каларда сакълыкъны, низамны болдурмакъ учун районну ич ишлер бёлюгюню къуллукъчулары дежурналыкъ юрютдюлер. Ерлерде сайлавлар къурумлу, сайлавчуланы актив ортакъчылыкъ этивю булан оьтдю деп ташдырып айтма болабыз.

РФ-ни Пачалыкъ Думасына ва ДР-ни Халкъ Жыйынына лайыкълы кандидатлагъа тавуш берив кампанияда районубузну гьюрметли тамазалары да оьзлени актив ватандаш позициясын гёрсетдилер. Олар оьзлени уллу болгъан чагъына да къарамайлы, сайлав участкалагъа юрюп гелип, оьзлер танглагъан кандидатлагъа тавушларын бердилер.

Сайлавланы барышында тамазаларыбызны активлиги сайлавланы ахыр гюнюнде айрокъда бек гьис этилди.

Къарабудагъгентли Абдулгьуда Валиянов, Абдулмуъмин Кулавов, Абдулмуъмин Къазакъов, Уллубийавулдан: Сайит Агьматов, Гьажимирза Къазуваев ва оьзгелери сайлав участкалагъа юрюп гелип, ватаныбызны, яшёрюмлерини, халкъны гележеги учунгъу агьвалатда, айсенилик этмей гелип тавуш бердилер.

Оьмюрю 80-ден ­оьтгени бир нече йыллар болагъан Импилиян Исабекова 0607 номерли сайлав участкалагъа гелип тавуш берди.

Тамазаларыбыз сайлав участкагъа гелгенде Роспотребнадзорну касбучуларыны талапларын кютюп тавуш бердилер.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3