Къутлайбыз!
Сентябр айны 17-нден 19-у болгъунча РФ-ни Пачалыкъ Думасына 8-нчи керен ва ДР-ни Халкъ Жыйынына 7-нчи чакъырывуна депутатлар сайлав кампания ерлерде уьстюнлю кюйде тамамланды. ДР-ни Халкъ Жыйыныны янгы чакъырывуна бизин районну эки вакили бар. Тек, шо дазу тюгюл, бизин районлу, къарабудагъгентли, жагьил алим Алимурат Агьматович Гьажиев Къоркъмаскъала райондан ДР-ни Халкъ Жыйынына депутат этилинип сайлангъан.
Алимурат Гьажиев оьзюню жагьил оьмюрюне де къарамайлы, билимлени ёлунда гёрмекли уьстюнлюклени къолда эте геле. Ол «Лидеры России. Политика» конкурсну финалисты. Экология ва устойчивый (мекенли) оьсюв институтну директору, биология илмуланы кандидаты, Дагъыстан пачалыкъ университетни экология ва география факультетини деканы. 2014-нчю йылдан гьалиге ерли ол Дагъыстан пачалыкъ университетни жагьил алимлерини Советини председатели, Россия Федерацияны Президентини янындагъы жагьиллени илму ва билим алыв тармакъгъа къарайгъан координация Советини члени.
2017-2018-нчи йылларда «ДР-ни жагьил алимлери» деген конкурсну алдынлысы.
Биз Гьажиев Алимурат Агьматовични ДР-ни Халкъ Жыйынына депутат этилип сайлангъанын гьакъ юрекден къутлайбыз. Ол законлар яратыв гьаракатда, сайлавчуланы интереслерин якълавда ва яшавгъа чыгъарывда аслам къошумун болдуражагъына инанабыз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
