Меню
16+

Сетевое издание «Будни района»

24.09.2021 09:36 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Аты да Гьайбат, иши де

Автор: Багьавутдин Самадов

Яшланы гьакъ юрекден сюймейген адам, олар булан ишлемеге, айрокъда, олагъа тарбия ва билим бермеге болмай. Къайсы ата-ана да оьзлени авлетлерине тарбия ва билим бермеге айлана, амма муаллимлер йимик шо ишни кютмеге болагъанлар ёкъдур. Муалиимлик касбу кёп чыдамлыкъ, гьаракатчылыкъ, терен гьакъыллы ва сынавлу болмакъ ва оьзге шолай хасиятланы талап эте.

Уллубийавул орта школада башлапгъы класланы муаллими болуп загьмат тёгеген Гьайбат Магьамматовна Муташева шолай муаллимлерден санала. Ол 1983-нчю йылдан берли оьзюню къысматын ва загьматын билим берив булан байлагъан. Демек, 38 йылны боюнда нечесе юзлер ва минглер булан ата юртуну яшларына, оьзге иш ёлдашлары йимик, Гьайбат Муташева тарбия ва билим берген.

Гьайбат Муташева 1963-нчю йылда Уллубийавул юртда сабанчы-ишчилени агьлюсюнде тувгъан. Ата юртундагъы школаны 8 класын битдирген сонг, ол Буйнакскийдеги педагогика училищеге охумагъа тюше ва 1983-нчю йылда шо орта хас билим береген охув идараны уьстюнлю тамамлай.

Шоллукъда, 1983-нчю йылда Гьайбат Муташева ата юртунда башлапгъы класланы муаллими болуп ­оьзюню уьлгюлю загьмат ёлун башлай ва бугюнлерде де узатып тура.

Озокъда, аралан оьтген кёп йылланы боюнда Гьайбат Муташеваны билими, сынаву, коллективини ва жамиятыны арасында абуру артгъан. Ол оьзюню дарсларын охувчуну талапларына ва шартларына гёре юрюте, яшланы пагьмуларын ачмагъа ва шоланы халкъгъа малим этге чалыша.

Гь. Муташева дарс берген охувчуланы 80 процентини билими лап да яхшы къыйматлар ала. Олай да, олар район олимпиадаларда алдынлы ерлеге ес бола.

Муаллим Гь. Муташеваны дарсларына яш муаллимлер кёп геле, ондан сынав ала ва уьйрене. Ону класы школада оьтгерилеген гьар тюрлю чараларда гьаракатчылыкъ этип, ортакъчылыгъын болдура.

Гьайбат Муташева, район олипиадаларда алдынлы ерлени къазангъан охувчулары саялы, кёп санавда школаны ва район билим берив управлениени атындан гьюрметлев грамоталар булан савгъатлангъан. Олай да, Гь. Муташева «РФ-ни ярыкъландырыв министерлигини белгиси» булан савгъатлангъан.

Ол билим ва дарс берген яшлар Гьайбат Магьамматовнаны атына гьар даим лайыкълы сёзлер айта ва огъар гьюрметин эте.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

11