Меню
16+

Сетевое издание «Будни района»

17.09.2021 09:55 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

«Татывлу Гьайдакъ»

Автор: Нюрсагьадат Изамутдинова

Сентябр айны 12-нде Дагъыстан биринчи керен “Татывлу гьайдакъ” деген Халкъара гастроном фестивалны ортакъчыларын жыйгъан. Фестивальда Дагъыстанны районларыны ва шагьарларыны вакиллери кулинар конкурсларда ортакъчылыкъ этди. Конкурсну жюрилери болуп халкъара оьлчевдеги усталар, 8 тюрлю уьлкеден гелген кулинар усталыкъны вакиллери, олай да World Chefs WACS деген поварланы Бютюндюнья ассоциациясыны экспертлери багьа берди.

Импровизация этилген майданчада республикабызны Акъуша, Дахадаев, Лак, Хунзах, Къаягент, Къарабудагъгент, Ботлих, Сулейман-Стальск, Гумбет ва башгъа районланы вакиллери оьзлени милли майданларында тюрлю милли ашларын тизген ва жыйылгъанлагъа аян этген.

Чараны официальный бёлюгю битген сонг, къонакълар гьар районну майданларына гирип, оланы адатлы милли ашларына, оланы татывуна къарап чыкъды.

Фестивальда ортакъчылыкъ этген Къарабудагъгент районну вакиллери оьзлени «Милли тепси» деген къумукъ милли ашларыны презентациясын оьтгерди. Олар ашланы атларын орус ва ингилис тиллерде айтып къонакълагъа таныш этди.

Экспертлер бек арив усталыкъ булан тизилген, безендирилген тепсидеги къумукъ ашланы татывуна къарады. Шолай, экспертлер башгъа районланы милли ашларыны татывуна да, тепсилени тизилген (сервировка) кююне де къарады.

Бары да районланы ашларына, татывуна, «сервировкасына» къарап чыкъгъан сонг, судьялар алдынлыланы мекенли этди. Шолай, Къарабудагъгент, Гьайдакъ ва Сулейман-Стальск районлагъа алдынлы ерлер берилди, фестивалны къалгъан ортакъчыларына да грамоталар ва медаллар тапшурулду.

Фестивальда милли опуракъланы выставкасы ва концерт номерлер де оьтгерилди.

Къаравчулагъа милли ансамблланы ва коллективлени, ерли йыравланы орус ва милли тиллерде чыгъышлары гёрсетилди. Фестиваль гюн къонакъланы «лезгинка» бийивю булан тамамланды. Фестивальны аслу мурады – республикабызны турист потенциалын бютюнроссия ва халкъара турист рынокгъа чыгъармакъ, гостроном ва этногастроном туризмни оьсдюрмек, кулинария тармакъда бажарывлу адамланы яратывчулукъ гьюнерлерин аян этмек эди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3