Сайлавлагъа онгарылыв
14-нчю сентябрде, талатгюн, район администрацияны аппаратыны оьтгерилген гезикли генгешинде оьзге масъалалар булан бирче 17-19-нчу сентябрде оьтгерилмеге тарыкълы сайлавланы гьакъында да баянлыкълар берилди.
Айтагъаным, Къарабудагъгент район территориал сайлав комиссияны ёлбашчысы Магьамматсайит Алпанаев оьзюню докладында шо гьакъда мекенли кюйде маълуматлар берди.
Ачыкълашдырып айтсакъ, сайлавчуланы сайлав сиягьлары (списоклар) гьазир этилген ва сайлав участка комиссиялагъа берилген. Шолар булан бирче, Роспотребнадзорну талапларын яшавгъа чыгъара туруп, УИК-лени уьюрлерине ва сайлавчулагъа маскалар, перчаткалар ва дезинфекция болдурагъан алатлар етишдирилген.
Олар булан янаша юртланы башчылары сайлавланы оьтгермек учун сейфлер, видеорегистраторлар ва генераторлар булан сайлав участкаланы тамам болдурмагъа тарыкълыгъын ачыкълашдырды.
Генгешни шо гюн юрютген районну администрациясыны башчысыны орунбасары Жалалутдин Жамалутдинов юртланы башчылары ерлердеги сайлав участка комиссиялагъа бары да кёмегин болдурмагъа ва сайлавланы къурумлу оьр даражада оьтгермеге борчлу экенлигин бирдагъы керен оланы эсине салды.
17-19-нчу сентябрде сайлавланы къурумлу кюйде оьтгермек учун юртлагъа вакил этип йиберилеген район администрацияны жаваплы къуллукъчуларыны атларын Ж.Жамалутдинов эсгерди ва олагъа оьзлени борчларына намуслу кюйде янашмакъны таклиф этди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
