Меню
16+

Сетевое издание "Району яшаву"  «Будни района»

17.09.2021 09:44 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Ишине жаваплы янаша

Автор: Шихав Къайирбеков

Районда школа чагъына етишмеген яшланы яшлар бавларына къуршамакъ учун районну башын тутгъан ёлдашланы гьаракаты гёрмекли. Артдагъы йылларда районну муниципал къурулувларында есликни гьар тюрлю къайдаларында иш гёреген яшлар бавланы санаву арта. Гьакъыкъатда ата-анагъа гиччипавларын яшлар бавларына берме имканлыкълар яратыла.

Районда школа чагъына етишмеген яшлар сакъланагъан, тарбияланагъан къурумларда бажарывлу, оьз ишине берилип, жаваплы, яратывчу къайдада яшлар булан иш юрютеген, оьзлени ачыкъ юзю, иржайыву, таъли сёзю булан гиччипавланы юреклерине ёл табып ишлейген тарбиялавчулар аз тюгюл.

Сентябр айны 27-нде бизин уьлкеде Тарбиялавчуну ва школа чагъына етишмеген яшлар сакъланагъан ва тарбияланагъан къурумланы бары да къуллукъчуларыны гюню. Бу агьвалатны алдында газетни охувчуларын Къарабудагъгент юртдагъы «Сказка» деген 14 номерли яшлар бавуну тарбиялавчусу Нюрьяна Абакарованы загьмат ёлу булан таныш этме сюебиз.

Абакарова Нюрьяна Алихановна 1989-нчу йылны май айыны 13-нде Санкт-Петербург шагьарда тувгъан. 1995-нчи йыл Къарабудагъгент эки номерли орта школагъа охума тюшген. Школаны Нюрьяна 2004-нчю йыл экстерна къайдада битдирген ва шо йыл Дагъыстан пачалыкъ педагогика университетни математика факультетине охума тюшген ва математикадан, информатикадан дарс береген муаллим касбугъа ес болгъан.

2016-нчы йыл Нюрьяна Абакарова ДГПУ-ну школа чагъына етишмеген яшланы сакълайгъан касбучулар гьазирлейген факультетинде касбусун алышдыргъан ва «тарбиялавчу» деген касбугъа ес болгъан.

Н.Абакарова 2012-нчи йылдан берли 14 номерли «Сказка» деген яшлар бавунда музыкадан дарс береген ёлбашчы болуп ишлей.

ДОУ-да ишлейген йылланы ичинде Нюрь­яна Абакарова районну ичиндеги школа чагъы етишмеген яшлар сакъланагъан къурумланы касбучуларыны арасында юрюлеген педагогика, музыка канкурсларда алдынлы ерлени къазанып юрюй.

«Сказка» деген 14 номерли яшлар бавунда тарбияланагъан гиччипавлар музыка дарслагъа иштагьы булан къуршалалар. Яшлар яслиде оьтгерилеген байрам чараларда, утренниклерде иштагьлы кюйде ортакъчылыкъ этелер.

Нюрьяна Абакарова оьзюню ишине жаваплы янаша. Ол гьар яшны юрегине айрыча ёл тапгъан, шо саялы яшлар ону бек сюелер, аналарына йимик янашалар.

Биз де Нюрьяна Абакарованы етишип гелеген Тарбиялавчуну гюню булан къутлап, ишинде уьстюнлюклер, къаркъарасына къатты савлукъ, агьлюсюнде татывлулукъ ва насип ёрайбыз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3