Меню
16+

Сетевое издание «Будни района»

10.09.2021 10:09 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Газ масъалалагъа къаралгъан

Сентябр айны 8-нде районну башчысы Магьмут Амиралиев «Газпром Газораспределение Дагестан» деген ООО-ну вакиллери булан ёлукъгъан. Ёлугъувну барышында районгъа газ гелеген быргъылагъа этилген тергевлени гьасиллерине гёре 2021-2022-нчи йылны гюз-къыш айларында халкъны газ булан толу кюйде таъмин этив масъалалагъа къаралгъан.

Оьтгерилген тергевлер быргъылардан газ неге аз гелегенин ачыкъ этген ва шогъар гёре дефект актлар къурулгъан.

Шогъар гёре Гьели ва Паравул юртлулагъа токътавсуз газ болдурмакъ учун этилмеге герекли ишлер белгиленген:

- 100 мм диаметр булангъы “задвижканы” 150 мм булангъысына алышдырмакъ;

- 150 мм диаметр булангъы газ быргъыны ерни тюбюндеги басыву уллу 325 мм диаметр булангъы быргъыгъа ялгъамакъ.

Олай да, Уллубийавул юртгъа газ барагъан быргъыны газын кёп этмек учун уллу диаметри булангъы башгъа быргъыгъа алышдырма, ГРПШ-ни алышдырма, Къарабудагъгентде «Тахабаш» микрорайонда газ къоллавчуланы санаву артгъангъа гёре янгы ГП ишлеме, Джангада да адамланы санавуна гёре ГП-ни янгыртмагъа къарарлар къабул этилген.

Ёлугъувну барышында адамлар яшайгъан хас уьйлени де газ булан таъмин этив масъалалагъа къаралгъан, шо иш районда бугюнлерде актив кюйде юрюлюп тура. Районну юртларында толу кюйде уьйлерине газ етишдирилмеген адамланы сиягьы гьазирленген, шо ишге къарамакъ ва юрютмек учун штаблар къурулгъан. Олай да, савлай Къарабудагъгент районда газны тюз пайламакъ ва халкъгъа етишдирмек учун ватандашланы топуракъ участкаларыны дазуларын белгилемек учун план-график къурулгъан.

Шо ишлер пачалыкъны янындан гелеген харж булан этилежек.

Оьз мухбирибиз

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3