Чара оьтгерилди
Арбагюн, сентябр айны 8-нде, Къарабудагъгент юртдагъы Уллубий Буйнакскийни атындагъы ял алагъан бавда инкъылапчы, ХХ асруну инг де белгили жамият чалышывчусу Уллубий Даниялович Буйнакский тувгъанлы 131 йыл болагъанына багъышлангъан чара оьтгерилди.
Чарада Къарабудагъгент гимназияны, Къарабудагъгент 1 ва 5 номерли орта школаларыны охувчулары, муаллимлер, маданият тармакъны къуллукъчулары, чакъырылып гелген къонакълар ортакъчылыкъ этди.
Инг башлап, демек, чараны башында Уллубий Буйнакскийни эсделигине гюллер салынды.
Чараны юрютювчюсю, Баш китапхананы къуллукъчусу Азинат Пашаева У.Буйнакскийни гьакъында къысгъача хабарлады, дав-шариат судда ол айтгъан сёзлени эсге алды.
Сёз берилген Жамият палатаны ва районну тамазаларыны Советини председатели Абдулгьамит Мамагишиев, районну социал ва яшёрюмлерини сиясат бёлюгюню ёлбашчысы Гюлжанат Темирова, район администрацияны прес-къуллугъуну бёлюгюню ёлбашчысы, журналист ва шаир Багьавутдин Самадов инкъылапчы, жамият чалышывчу Уллубий Буйнакскийни яшаву ва ябушув ёллары, ону алдынлы ойлары гьакъда хабарлады.
Къарабудагъгент юрт адатлангъан маданият Центрны йыраву Патимат Гьюсейнова, чараны узата туруп, шаир Багьавутдин Самадовну сёзлерине гёре къурулгъан йырны йырлады.
Гюлжанат Темирова У.Буйнакскийге багъышлап оьзю язгъан шиърусун охуду, олай да, охувчулар тюрлю къумукъ шаирлени шиъруларын гёнгюнден охудулар.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
