Меню
16+

Сетевое издание «Будни района»

06.08.2021 10:09 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Рейдлер оьтгерилди

Автор: Калимат Эльмурзаева

Артдагъы эки айны ичинде Къарабудагъгент районда коронавирус аврув булангъы гьал къыйын болса тюгюл, яхшы якъгъа алышынмай. Тек, авруйгъанланы санаву кёп болса да, бизин ватандашлар вакцина этмеге алгъасамайлар. Шо гьалгъа гёре, алдагъы гюн, август айны 3-нде, Къарабудагъгент юртну 1-нчи гесегин башчысы Магьамматсолтан Гьасановну кабинетинде генгеш оьтгерилди.

Генгешни ишинде Къарабудагъгент район администрацияны, юрт администрацияны, районну къурумларыны ва СМИ-лени вакиллери ортакъчылыкъ этди.

Оьтгерилген генгешни аслу мурады юртну ватандашлары вакцина этмеге герекге ва Къарабудагъгент юртну территориясында ерлешген къурумлардагъы эпидемиология гьалны тергевюне багъышлангъан эди.

Чараны ача туруп, Къарабудагъгент юртну башчысы Магьамматсолтан Гьасанов юртда коронавирус булангъы гьалны гьакъында айтгъан сонг, районну башчысыны таклифине гёре, юртда рейдлер оьтгерме гереклиги гьакъда эсгерди.

–Къарабудагъгент юртда коронавирус булан авруйгъанланы санаву артдагъы заман кёп болса тюгюл, аз болмай. Районну башчысыны буйругъуна гёре, август айны 9-у болгъунча ватандашлар вакцинаны этдирип битмеге герек. Вакцин этдирмегенлеге район ва юрт администрацияны янындан штрафлар (къодулар) салынажакъ. Вёре, телефонлардан йибереген тюз тюгюл маълуматлагъа инанмагъа ярамай. Биз шону гьакъындан бары да халкъгъа билдирмеге герекбиз, — деди ол оьзюню сёйлевюнде.

Къарабудагъгент юрт администрацияны янындан къурулгъан уьч рейд гюплер эки гюнню ичинде юрт­ну территориясында ерлешген сатыв-алыв объектлерде ва районну ватандашларыны къуллукъларын битдиреген къурумларда коронавирус инфекциягъа къаршы вакцина этдирмеге гереклиги гьакъда англатыв ишлер оьтгерди.

Олар Мычыгъышавул, Сергендиравул, Къ­о­нгуравул микрорайонларда ерлешген объектлени тергеди. Шолай рейдлер юртда дагъы да оьтгерилип туражакъ.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1