Меню
16+

Сетевое издание «Будни района»

20.08.2021 09:14 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

«Россияны байрагъы – бизин оьктемлигибиз!»

Автор: Нюрсагьадат Изамутдинова

РФ-ни Пачалыкъ байрагъыны гюнюне багъышланып Къарабу­дагъгент район маданият ва туризм бёлюкню ёлбашчысы Найида Мурзаеваны сиптечилиги, райондагъы юртланы китапхана къуллукъларын кютеген Центрны къуллукъчуларыны ва Гь.Абдуллаевни атындагъы 1 номерли орта школаны охувчуларыны ортакъчылыгъы булан “Россияны байрагъы – бизин оьктемлигибиз” деген акция оьтгерилди.

Кёп йылланы узагъында Пачалыкъ байракъны гюнюнде триколор-лентлени уьлешив адатланып юрюй. Россияны триколору – уьлкебизни халкъларыны бирлигини, дос-аралыкъларыны белгиси.

Маданият бёлюкню къуллукъчулары Къарабудагъгент 1 номерли орта школаны охувчулары булан бирче тюрлю идаралагъа барып, орамларда адамлагъа триколор-лентлени уьлешди. Адамлар оланы бек исси къаршылап къабул этди. Олар уьлкебизни Пачалыкъ байрагъына уллу гьюрмет булан янашагъаны гьис этиле эди. Россияны триколору – бизин янгыз Пачалыкъ белгибиз болуп къалмай, о бизин Ватаныбызгъа бакъгъан якъдагъы сюювюбюзню, оьктемлигибизни белгиси. Шо белги – россиялыланы бир-бирине сыкълашдырагъан, оланы уьстюнлюклеге ва оьрлюклег талпындырагъан гюч.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4