Паспорт тапшургъан
Август айны 6-нда, оьтген жумагюн, МВД-ни Къарабудагъгент райондагъы миграция масъалалагъа къарайгъан бёлюгюню (ОВМ) ёлбашчысы Завур Имакъов Дёргели юртгъа иш къуллугъу булан баргъан.
Ону шо иш сапарында Дёргели юртну башчысы Гьамзат Мурзаев къаршылагъан. Олар оьмюрге баргъан къатынгишиге янгы паспорт берген.
Белгили кюйде, бугюнлерде савлай элибизде коронавирус аврув яйылгъан. Шо аврувну алдын алмакъ учун мекенли кюйде чаралар гёрюле. Коронавирус аврув булан оьмюр чагъы уллулар аврумагъа болагъанын гёз алгъа тутуп, пачалыкъны идараланы ва къурумларыны ёлбашчылары ва жаваплы къуллукъчулары олар булан уьй-ожагъында ёлугъа ва оланы къуллукъланы битдире.
Шоллукъда, Завур Имакъов ва Гьамзат Мурзаев дёргелили Саламат Хидриеваны уьюне баргъан ва огъар янгы паспорт тапшургъан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.