Меню
16+

Сетевое издание «Будни района»

13.08.2021 11:17 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Генгеш оьтгерилди

Автор: Багьавутдин Самадов

Оьтген сонгугюн, август айны 7-нде, ДР-ни Гьукуматыны ёлбашчысыны орунбасары Абдулмуслим Абдулмуслимовну ёлбашчылыгъы булан санитар ва эпидемия аврувгъа къаршы иш гёреген хас комиссияны генгеши оьтгерилген. Генгешни ишинде ДР-ни Гьукуматыны ёлбашчысыны орунбасары Мурат Къазиев де оьзюню ортакъчылыгъын болдургъан.

Шо генгешни барышында Къарабудагъгент районда «сибирская язва» аврувну алдын алмакъ учун гёрюлеген хас чараланы гьакъында айтылгъан.

Роспотребнадзорну республикабыздагъы Управлениесини хас маълуматына бизин районда яшайгъан адамны «сибирская язва» авруву бар деп токъташдырылгъангъа гёре, Къарабудагъгент район ветеринар управление шо гьакъда хас чаралар гёрмеге башлагъан.

Генгешде ачыкъ болгъан кюйде, 2021-нчи йылны апрель айында 18 232 уллу мююзлю гьайвангъа «сибирская язва» аврувгъа къаршы укол этилген. Шоланы арасында Къакъашура юртдан шо укол 2638 гьайвангъа этилген.

Генгешни барышында ачыкъ болгъаны йимик, Къарабудагъгент район ветеринар управлениени жаваплы къуллукъчулары Къакъашура юртда «сибирская язва» аврув булан авругъан гьайванланы билмек муратда гьар ожакъгъа гирип айлана.

Роспотребнадзорну республикабыздагъы Управлениеси билдиреген кюйде, докторлагъа шо аврув булан авругъан дагъы гьеч бирев де бармагъан.

ДР-ни Гьукуматыны ёлбашчысыны орунбасары Абдулмуслим Абдулмуслимов «сибирская язва» аврувну алдын алмакъ учун жаваплы министерликлеге ва оьзге къурумлагъа алгъасавлу чаралар гёрмеге тапшурувлар берген.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3