Меню
16+

Сетевое издание «Будни района»

09.07.2021 09:06 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Манас посёлокда ёлугъув

Автор: Район администрацияны прес-къуллугъундан

Алдагъы гюнлерде Къарабудагъгент районну башчысы Магьмут Амиралиев Манас посёлокну активи булан ёлукъгъан ва вакцинаны этивюню гьакъында лакъыр этген. Районну башчысы эсгерген кюйде, Манас посёлокну янгыз 80 адамы коронавирусгъа къаршы вакцинаны этдирген. Шо буса, умуми алгъанда, савлай юртну 3 проценти болуп токътай.

«Бизин район больницабызда бугюнлерде 50-ден артыкъ адам коронавирус аврув булан ятгъан. Терапия бёлюкню яртысына да шолай аврувланы ятдырмагъа башлагъанбыз. Коронавирус аврувдан гьар гюн янгыз больницада 1 адам оьле деп айтсакъ, башгъа ялгъан тюгюл. Уьй –ожагъында авруп оьлегенлени айтма да айтмайман. Айтагъаным, шо аврув булангъы гьал гюн сайын авур ва къыйынлы бола.

Районубузну халкъыны янгыз 10 проценти вакцина этген. Демек, вакцина этдирмеге тийишли 35 мингден артыкъ адамдан гьарангъа 3 минг адам вакцина этген. Бизин врачларыбыз айтагъан кюйде, шо аврувну яйылывун токътатмакъ ва алдын алмакъ учун умуми халкъны 60-70 проценти вакцина этмеге герек. Шолай болса, гьал ёрукъгъа тюшмеге ва яхшылашмагъа имканлы.

Адамлар оьзлени жавапсызлыгъындан ва немкъорай янашывундан вакцинаны этмеге сюймей. Демек, вакцинаны этмек адамгъа къоркъунчлу ва зараллы деп айталар. Шо буса, гьакъыкъатда ялгъан. Бизин илмулу, билимли ва абурлу врачларыбыз вакцина этмекни таклиф эте ва шо этилсе, гьал яхшылашмагъа бола деп токъташдыралар»,-деди оьзюню сёйлевюнде районну башчысы М.Амиралиев.

Шо ёлугъувда сёйлеген Къарабудагъгент ЦРБ-ни баш врачы Расул Гьиравов бизин районда коронавирус аврувну «Индийский штамм» деген журасы бар экенлигин айта туруп, шо аврувну осал ва авур этегенлигин ва адам алгъасавлу кюйде оьлмеге болагъанлыгъын ачыкъ этди.

Ёлугъувну ахырында районну башчысы М.Амиралиев Манас посёлокну халкъына врачланы таклифлерине тынгламагъа ва вакцинаны этмеге таклиф этди. Шолай этилсе, халкъны яшавуна ва савлугъуна къоркъунчлукъ болмажакъ.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2