Меню
16+

Сетевое издание «Будни района»

09.07.2021 08:42 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

3-нчю ерге ес болгъан

Автор: Шихав Къайирбеков

Хас маълуматларда билдиреген кюйде, июль айны 3-нде республикабызны тахшагьары Магьачкъалада Родопский бульварда ва огъар тийген Пушкинни атындагъы орамда «Дагъыстанны кюрегеси» деген республика фестиваль оьтген.

Фестивальда Дагъыстанны 30-дан къолай районларындан оьзлени участкаларында, абзар ягъа бавларында кюреге оьсдюрюв булан машгъул фермерлер, далапчылар ортакъчылыгъын болдургъанлар.

Фестивальда бизин районну юрт хозяйство управлениесини касбучулары ва юрт хозяйство продукталар болдурувчулары да ортакъчылыгъын болдурдулар. Олар: КФХ «Иргьар» ёлбашчысы Баммат Бийгишиев, КФХ «Сют Булакъ», КФХ «.Б.А.Айдиев» ва КФХ «Къурбуки».

«Дагъыстанны кюрегесини» фестивалында Дагъыстанны башчысыны заманлыкъгъа борчларын кютеген Сергей Меликов да ортакъчылыгъын болдургъан. Сергей Меликов: «Дагъыстан – Россияны кюреге оьсдюреген эли». Фестивальны къонакъларыны айтывуна гёре бизин якъларда оьсдюрюлген кюрегени татывуна, сан янына адам сёз тапмас,-деген.

Республиканы башчысы сёзюн узата туруп:-Бугюн бизин фермерлерибиз кюрегени болдурувда четимлик­леге къаршылашмай, болдургъан продукцияны сатывгъа чыгъарывда, сакълавда четимликлеге ёлугъа. Бу тармакъны дагъыдан-дагъы оьсдюрмек, фермерлеге тийишли шартлар болдурмакъ учун болагъан гьаракатны этежекбиз- деген.

Республиканы башчысыны заман­лыкъгъа борчларын кютеген Сергей Меликов районлардан гелген юрт хозяйство продукталар булан ювукъдан таныш болгъан. Оланы сан янына тийишли багьа берген.

«Дагъыстанны кюрегеси» деген фестивальда кюреге оьсдюрген бизин райондан баргъан «Иргьар» деген КФХ ёлбашчысы Баммат Бийгишиевни кюрегеси конкурсда уллу якъдан 3-нчю ерни алгъан.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3