Юзюмню эрте бишеген журалары жыйыла
Дагъыстан – бизин уьлкеде лап уллу юзюм бавлары булангъы регионланы бири. Алда ерлерде юзюмню чагъыр этеген журалары оьсдюрюле эди буса, гьали бары гюч юзюмню столовой жураларын оьсдюрювге бакъдырылгъан.
Буссагьатгъы вакътиде районда бар юзюм бавланы 90 процентден къолайы – столовой журалы юзюмлюклер. Мекенлешдирип айтгъанда, «Молдова». Юзюмню бу журасы да столовой деп гьисаплана.
Гьали юзюм болдурувну конвейерге салма айланагъан юзюмчюлюк тармакъда машгъул фермерлерибиз эрте бишеген юзюмлени оьсдюрювге ва сатывгъа чыгъарывгъа тергев бакъдырып ишлейлер.
Буссагьатгъы вакътиде районда 30 гектарда юзюмню эрте бишеген журалары бар.
Ерлерде юзюмню эрте бишеген жураларыны тюшюмюн къайтарма гиришгенлер. Буссагьатгъы вакътиге 340 тон юзюм сатывгъа чыгъарылгъан ва уьлкени оьзге регионларына йиберилген.
Башлапгъы гьасиллер исбат этеген кюйде, эрте бишеген юзюмню тюшюмю яман тюгюл. Гектардан 115 центнер тюшюм къайтарыла. Бугюнлерде юзюмню эрте бишеген «Супер-Элита», «Рашфор» ва оьзге жураларыны тюшюмю жыйылып тура. Арты булан «Августин» геле. Шоллукъда, адамлагъа юзюм къоллавну болжаллары бир къадар узатыла, гюнешни емишини витаминлеринден пайдаланма болалар. Эрте бишеген юзюмлени бир заты яман: жанлар кёп зиян эте, юзюм бишме башлагъандокъ, жанлардан сакълама тарыкъ. Экинчи яны аврувлардан, зиянлы жанлардан къоруп сакълама болмасанг, шо заман юзюмню къабул этеген заводлар ишлеме башламай, гетген харж, къыйын пуч болма бола.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
