Меню
16+

Сетевое издание «Будни района»

30.07.2021 08:35 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Нечакъы емлер топлагъанбыз?

Автор: Шихав Къайирбеков

Оьзге авлакъ ишлер булан янаша районда жамият гьайванлагъа токъ къышлав болдурувну гьайы этиле.

Ерлерде къатты емлер топлав ишлер узатыла.

Ишлени барышына къарагъанда, гьайванлагъа сувлу емлер топлавда планлар йырылса да, къатты тири емлер топлавда авурлукъ болма тарыкъ тюгюл.

Районну муниципал къурулувларында къатты емлер топлав узатыла.

Буссагьатгъы вакътиде районда 53750 тон къатты емлер топлангъан. Шону ичинде сенаж – 2460 тон, бичен – 26650; салам – 24640 тон. Муниципал къурулувларда ашлыгъы къайтарылгъан участкаланы саламын къысыв къызгъын кюйде юрюлюп тура. Гьалгъа къарагъанда, гьайванлагъа йыл ярымгъа болар чакъы салам топлама умут бар.

Районну тавтюп зонасында Къакъашура, Дёргели юрт муниципал къурулувларда табии биченликлени отун чалыв, бичен топлав давам этиле.

Муниципал къурулувларда гьайванлагъа деп чачылгъан кёп йыллыкъ отланы экинчи керен чалма гиришгенлер. Чакъгъа салкъынлар тюшгюнче, люцерна тарлавланы дагъы да эки керен чалма гьаракат этилсе, къатты емлени запасын болдурувда уллу кёмек болажакъ эди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3