Сергей Меликовну чакъырыву

Шоллукъда, 5 мингден артыкъ резерв гьисапда койкалар гьазир болуп тура. Болса да, авруйгъанланы санаву да артып юрюй.

Коронавирус аврувгъа къаршы вакцина этгенлер де больницагъа тюшегени гьакъда англатмагъа сюемен.

Шолай вакцина этгенлер 3 про­цент­ден артмай. Шо янгыдан авругъанланы аврувлары енгил оьтгенин де айрыча эсгермеге сюемен.

Демек, коронавирус аврувгъа къаршы вакцина шо аврувну алдын алагъанын, шону токътатмагъа болагъанын англадыкъ. Озокъда, гьар ким оьзюню къаркъарасыны ва савлугъуну еси. Олай да, гьар ким оьзюню насибин ва талайын къура.

Шоллукъда, вакцина адамланы савлугъуна ва шо аврувгъа таъсир этегени белгили. Шо аврувну алдын алагъанына шагьатбыз. Шогъар далиллер кёп бар.

Коронавирус аврувну янгыдан гётериливю май айны ахырында башланды. Шогъар да аслу себеп – биз кёп сюеген ва къаравуллайгъан шатлы байрамланы генг кюйде оьтгергенлик.

Ачыкълашдырып айт­­­сакъ, 1 Май – Язбашны ва Загьматны, 9 Май – Уллу Уьстюнлюкню гюнлери булан янаша сыйлы Оразабайрам ва хачпереслени Пасха байрамы. Шо байрамларда, гертилей де, бары да халкъ актив кюйде ортакъчылыкъ этдилер. Шогъар гёре, май айны ахырына коронавирус аврув булан авруйгъанланы санаву артмагъа башлады.

Аврувну алдын алмакъ учун укол этмеге тарыкълыгъын кёп дагъыстанлылар англады. Гьалиге 110 мингден къолай бизин республикабызны ватандашлары оьзлеге вакцина этдирген. Амма коронавирус аврувну яйылывун токътатмакъ учун 1 миллиондан къолай адамгъа вакцина этмеге герек.

Бугюнлерде бизин докторларыбыз аврувланы сав этмек, савлугъун беклешдирмек учун оьзлени гьаракатын этип айлана. Олагъа биз де оьзюбюзню кёмегибизни этмеге чакъыраман.

Муна бугюнлерде де бизин уьстюбюзге дагъы да сыйлы бусурман байрамланы бириси – Къурбанбайрам гелип тура. Шу байрамда бусурманлар гьайван-маллар соя, жамият намазлар къыла. Шо байрамны арты булан ДР-ни Конституциясыны гюню де 26-нчы июльда белгиленежек.

Шу байрамланы агьлюлени ичинде оьтгермеге чакъыраман.

Олай да, 25-нчи июльда Дав-денгиз флотну гюню белгиленмеге гёз алгъа тутула. Шо гьакъда РФ-ни Президенти Владимир Путин хас указгъа къол салгъан. Шоллукъда, Каспий флотилияда да шо байрам чара оьтгерилежек.

Тек парадда вакцина этгенлер ортакъчылыгъын болдуражакъ, шогъар тыш яндан къонакълар чакъырылмажакъ. Шо чарада ортакъчылыкъ этмеге сюегенлер, бизин дав-денгиз флотубузну гючюн гьис этмеге сюегенлер социал дистанция сакъламакъны тилеймен. Шону булан бирче маскалар гиймекни, адамлар бир ерге жыйылмай турмакъны таклиф этемен.

Шо мен оьрде эсгерген байрамланы этмей къоймагъаны аслу мурады халкъны савлугъуну гьайын этив булан байлавлу. Республиканы ёлбашчысыны къуллугъуна белгиленген сонг, халкъны гьайын этмек – аслу борчун деп гьисаплайман.

Гьюрметли дагъыстанлылар, оьзюбюзню савлугъубузгъа немкъорай янашмайыкъ! Уллу тамазаларыбызны, къарт аналарыбызны, оьсюп гелеген наслубузну, сабий яшларыбызны гьайын этейик!