Меню
16+

Сетевое издание «Будни района»

23.07.2021 08:55 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Рагьмулу иш этив

Автор: Район администрацияны прес-къуллугъундан

Алдагъы гюнлерде, июль айны 16-нда, ДР-ни Маданият Министерлиги «Лето с добрыми делами» деген баш булан оьтгерген акциягъа гёре, «Лотос» деген савлугъун беклешдиреген спорткомплексде маданият ва туризма бёлюкню, олай да яшёрюмлени ва социал-сиясат бёлюгю булан бирче «От улыбки станет всем теплей» деген яшлар учун оюн программа къурулгъан эди.

Демек, оюн программада адамурлукъну арасында гьар заман яхшылыкъ, яхшы ишлер инг де аслу экени гьакъда айтылды. Яшлар ёмакълардагъы яхшы ва яман оьчлю игитлени, асил ва эрши ишлени, яхшы амалланы, йылы сёзлени эсгерди, чечеген ёммакъланы чечдилер. Олар гьар тюрлю гьалларда нечик асил сёзлени къоллама герекни эсгерди:

Мисал учун, багъышлагъыз, баракалла, гьакъылтоп, танг яхшы болсун, башюсте.

Яхшы иш недир? Яхшы иш сени этеген ишлерингден гьасил бола. Демек, этеген ишингни халкъгъа гёрмемишге этмей, гьакъ юрекден этсенг, айланадагъылагъа да пайдасы тие. Адам оьзю сюйсе, яхшы ишлени гьар гюн де этмеге бола.

«От улыбки станет всем теплей» деген оюн программада лечение этме гелген гьар тюрлю йыллардагъы яшлар ортакъчылыгъын болдурдулар. Сонг да, «харсур-аягъынгны ерге къакъ» деген оюнда яшлар арив сёзлеге харсур, эрши сёзлеге аягъын ерге къагъа эди. Яшлар бу оюндан бек къуванды. Баш китапханачы Азинат Пашаева яшлар булан викторина оьтгерди, олар ёмакълардагъы суратлангъан игитлени хатасыз кюйде таныды, актив кюйде ортакъчылыкъ этди.

Яшлар «Накъышлы яхшылыкъ» деген оюндан япыракълагъа язылгъан яхшы сёзлени «Яхшылыкъ терекге» илди. Яхшы сёзлер булан терек бирден-бир арив болгъанны эсгерди.

Чараны ахырында Дербент шагьардагъы «Счастливое детство» деген вокал студияны солисткасы Ирада Ханова яхшылыкъгъа багъышлангъан арив йыр йырлады.

Чараны юрютювчюлери саболлашыв сёзюнде яшланы гьар гюн яхшы ишлер этме, арив сёзлени кёп къоллама, оьзлени яхшы сёзлерин ойлашма чакъырды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4