Юрт безендириле
Бу йылны март айыны башындан тутуп, Агъачавул юртну жамият ерлерин, школаны скверини алдын 1-нчи линия орамны безендирив ишлер юрюле.
Ишлени (объектлени) Къарабудагъгент районну администрациясы этдире. Генеральный подрядчик – ООО «Технотранссервис». Къурулушну барышына районну ЖКХ ва КС управлениелери оьзлени тергевюн болдура. Объектлени умуми майданы – 350 квадрат метр. Шону 250 квадрат метрына плита тутула, къалгъан 100 квадрат метрдан да къолай ер резин булан ябылажакъ.
Объектлени умуми багьасы – 1 миллион 550 минг манат.
Агъачавул юрт муниципал къурулувуну башчысы Арслангерей Ильясов билдиреген кюйде, ишлер къурумлу кюйде юрюле ва бу йылны сентябр айыны 30-уна тамамланма тарыкъ. Юртну гьакимбашы билдиреген кюйде, программаны яшавгъа чыгъывун районну башчысы Магьмут Амиралиев оьзюню тергевюню тюбюнде сакълай.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
