Меню
16+

Сетевое издание «Будни района»

02.07.2021 08:57 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Асфальт салынгъан

Автор: Багьавутдин Самадов

Къарабудагъгент гимназияны директору Адил Салаватов бизге берген баянлыкълагъа гёре, алдагъы гюнлерде «Карабудахкентское ДЭП №17» деген акционер жамияты охув ожакъны майданчасыны хыйлы ерине янгы асфальт салгъан.

Ачыкълашдырып айтсакъ, гёз алгъа тутулгъан плангъа гёре, гимназияны майданчасына 64 тон асфальт салынмагъа герек эди. Шогъар район администрацияны бюджетинден 361 минг манат харж гёрсетилген эди.

Амма, асфальтны салмагъа башлагъан сонг, «Карабудахкентское ДЭП №17» деген акционер жамиятны ёлбашчысы Вагьапгьажи Алиев салынагъан асфальтны къадарын 104 тонгъа чыгъаргъан. Демек, 1127 квадрат метр майданчагъа сан янлы асфальт салынгъан.

Сонг да, Вагьапгьажи Алиев Къарабудагъгент гимназиягъа гьаманда оьзюню кёмегин болдура. Демек, “100 школа” деген программагъа гёре, сиптечи гьисапда ол 300 минг манат акъча булан кёмеклешген.

Шо асфальт салыв чарада ас­фальт­ны салагъан укладчик, ас­­фальт­ны тюзлейген ва тегишлейген каток, бир нече “Камаз” машинлер ва 7-8 ишчи къуршалгъан болгъан. Олай да, шо ишге гимназияны муаллимлери де оьз къошумун болдургъан.

Олай да, отну сёндюрмеге тарыкълы болса деп, гимназияны къырыйында сув гьавуз (водоём) къурулгъан. Шо гьавузгъа 120 кубометр сув сыя. Шону къурмакъ учун район администрациядан 600 минг манат харж гёрсетилгенин А.Салаватов ачыкълашдырды. Шо сув гьавуз булан, гьажатлы болса, авул-хоншу ва от сёндюрювчюлер пайдаланмагъа бола.

Къарабудагъгент гимназияны майданчасына асфальт салмагъа ва оьзге ишлеге кёп кёмек этген ва къолкъошгъан районну гьакимбашы Магьмут Амиралиевге ва «Карабудахкентское ДЭП №17» деген акционер жамиятны ёлбашчысы Вагьапгьажи Алиев­ге гимназияны директору Адил Салаватов муаллимлени ва савлай коллективни, олай да, охувчуланы ва оланы ата-аналарыны атындан гьакъ юрекден баракалласын билдире. Энниден сонг да гимназиягъа ва оьзге школалагъа шолай кёмегин болдуражагъына инанабыз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4