Къыш – гючлю экзаменатор
Шо саялы гьайванчылыкъ, малчылыкъ булан доланагъан ёлдашлагъа гьайванлагъа токъ къышлав болдурувдан хантав турма тюшмей. Гетген йылны къышлавуну барышында емлер булангъы авурлукъланы, тас этивлени гёрген гьайванчыларыбыз бир басгъан тырнавучгъа бирдагъы керен басма деп айтар.
Ерлерде жамият гьайванлагъа ем топлав давам этиле.
Буссагьатгъы вакътиде районда 18935 тон къатты емлер топлангъан. Шону ичинде сенаж – 2400, бичен – 1600, салам – 1510 тон.
Бугюнлерде саламны тайлагъа къысыв ишлер узатыла. Шону булан янаша районну топуракъларына ем учун чачылгъан кёп йыллыкъ отланы экинчи керен чалыв башлангъан. Эсгерме тарыкъ, артдагъы йылларда районда кёп майданлагъа люцерна ва бир йыллыкъ отлар чачылгъан. Шо – жамият гьайванлагъа ем топлавда уллу имканлыкъ.
Районну загьматчылары сугъарыв сувланы асувлу къоллап, гьаракат этип, ем учун чачылгъан отланы дагъы да эки керен чалма гьаракат этсе, емлени запасын болдурувгъа уллу къошум болажакъ.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
