Меню
16+

Сетевое издание «Будни района»

04.06.2021 09:19 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Жамият гьайванлагъа къатты емлер топлана

Автор: Абдуллабек Самадов

Бугюнлер гьайванчылыкъ тармакъны къуллукъчулары учун инг жаваплы ва къыставуллу заманлар. Жамият гьайванлагъа токъ къышлав болдурмакъны гьайын этме герек.

2021-2022-нчи йыланы къыш айларында районда бар уллу ва гиччи мююзлю гьайванланы къышлавдан уьстюнлю кюйде чыгъармакъ учун районну гьайванчыларына бу яйда 25055 тон бичен, 13605 тон салам, 6382 тон сенаж, 37494 тон сувлу емлер (силос) 5368 тон тири ем топлама герек.

Артдагъы йылларда районубузну шартларында къатты емлер топлав авур массагъа айлана бара. Язбашыбыз явунсуз болуп, табии отлавлукъларда от оьсмей къала. Муна, бу йыл да районубузну тюзлюк зонасында табии биченликлени оту макътардай тюгюл. Тек гьалдан чыкъма тарыкъ.

Эсгерме тюше: артдагъы йылларда районда ем учун кёп йыллыкъ отлар (люцерна) чачма айланагъанланы, чачгъанланы санаву артып юрюйгени къувандырмай болмай.Муна, бу йыл да районда токъташдырылмагъан далиллеге гёре, янгыз Къарабудагъгент юрт муниципал къурулувда 15 гектардан да къолай топуракълагъа люцерна ва оьзге тюрлю ем оьсюмлюклер чачылгъан.

Алдагъы йыллар ем учун чачылгъан участкаланы оту яхшы оьсюп толкъун уруп тура.

Ерлерде аста-аста жамият гьайванлагъа ем топлав чалтлаша бара. Сугъарылагъан участкалагъа чачылгъан кёп йыллыкъ отлардан яхшы масса чыгъа.

Бугюнлерде муниципал къурулувланы авлакъларында от чалагъан, чалынгъан участкаланы отун тайлагъа къысагъан агрегатланы машинлеге къысылгъан бичен тайланы юклей туруп айланагъанлар аз тюгюл.

Жамият гьайванлагъа къатты емлер топлавну барышы Къарабудагъгент, Гьели юрт муниципал къурулувларда жанлы юрюле деп айтма ярай. Къарагъанда, гьайванчыларыбыз гетген йыл ем топлавда йиберген хантавлукъдан тюз гьасил чыгъаргъаны гёрюне, емлени гьайы этиле.

«Налогларынгны тёле, парахат юхла» дегенлей, гьайванлагъа таман даражада ем топла ва парахат бол. Бёгюнлерде емлени гьайын этген ёлдашлар гьёкюнмес.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3