Меню
16+

Сетевое издание "Району яшаву"  «Будни района»

04.06.2021 08:45 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Топуракълар асувлу къолланма тарыкъ

Автор: Шихав Къайирбеков

Социал-экономика, яшавлукъ-коммунал ва оьзге тюрлю масъалаланы ёрукълу чечивде юрт хозяйство агьамияты булангъы топуракъланы асувлу къоллавдан, топуракъ налогланы жыйылывундан гьасил болагъанын бирев де инкар этме болмас. Юрт хозяйство агьамияты булангъы топуракълар ишлетилме, пайда гелтирме тарыгъы гьакъда да аз айтылмагъан. Тек, уьлкеде болгъан демократия алмашынывлардан сонг колхозлар, совхозлар тозулуп, топуракълар пайлар гьисапда адамлагъа уьлешинип берилген сонг, топуракъгъа янашыв, ишлетив юрекни рази къалдырардай тюгюл. Юрт хозяйство агьамияты булангъы топуракълар 25-30 йылланы узагъында ишлетилмей, чачылмай, дагьнилиги бузулуп, отлавлукълагъа айланып бара.

Районда топуракъланы асувлу къоллавну, ишлетивню гьайы этилмей десек де, дурус болмас. Амма шо ёлда кёп кемчиликлеге ёл берилген, кёп ерлени ишлетебиз деп ижарагъа алгъан ёлдашлар, сабанчы-фермер агьлюлер, есликни оьзге къайдаларында иш гёреген коллективлер йыллар булан ижара гьакъ тёлемейлер.

Май айны 31-нде район администрацияда Дагъыстан республиканы еслигиндеги топуракъланы асувлу къоллавну, ижара гьакъны тёлевню яхшылашдырывгъа байлавлу чара оьтдю.

Чарада Дагъыстан республиканы топуракъ ва мал-матагь аралыкъларына къарайгъан министерлигини министри Завур Эминов ва оьзге жаваплы касбучулар ортакъчылыкъ этдилер.

Чарада сёйлеген ДР-ни топуракъ ва мал-матагь аралыкълагъа къарайгъан министри Завур Эминов ерлерде республика есликдеги топуракъланы асувлу къоллавну, ижара гьакъ тёлевню къатты кюйде танкъыт этди. Ону сёйлевюнден ачыкъ болгъаны йимик, ижарачылар юрт хозяйство агьамияты булангъы топуракъланы ишлетмекни, заманында ижара гьакъны тёлемекни гьайы этилмей, нечесе йыллар ижара гьакъ тёлемей туруп уллу оьлчевлерде борчлары бар къурумланы атларын эсгерди.

Булай дагъы узатылма ярамай, топуракълар ишлетилсин, ижарачыгъа, жамиятгъа пайда гелтирсин учун деп бериле. Чарада тувулунгъан имканлыкълардан пайдаланып, районну башчысы Магьмут Амиралиев ДР-ни топуракъ, мал-матагь аралыкълагъа къарайгъан министри Завур Эминовгъа «Манасгент» совхозну топуракъларыны, чагъыр заводну масъаласын да гётерди. Бу хозяйствода кёп топуракълар къолланмай къалып тура. 400-500 гектаргъа юзюм салма сюеген инвесторлар бар. Масъала ёрукълу чечилсе, 200-300 адамгъа иш ерлер, налог харжлар жыйылажакъ эди, -деди районну башчысы.

Бу масъаланы районну, республиканы пайдасы учун чечме тарыкъ.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3