Меню
16+

Сетевое издание «Будни района»

04.06.2021 09:21 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Оьр къуллукъгъа сайлангъан

Арсен Айдиев 1980-нчи йылда Къарабудагъгент юртда тувгъан. Школа-гимназияны 1997-нчи йылда оьр къыйматлар булан тамамлагъан сонг, Рязан шагьардагъы РФ-ни Минюстуну права и управление Академиясын оьр къыйматлары булангъы диплом алып тамамлай. Шондан сонг да, Арсен Айдиев Дондагъы Ростов шагьардагъы Россияны МВД-сини юридический институтун да оьр къыйматлар булан тамамлагъан. Оьр билимли, бажарывлу юртлу уланыбыз А.Айдиев оьзюню загьмат ёлун 2002-нчи йылда ДР-ни УУР-МВД-синде опер уполномоченный болуп башлагъан.

Сонг 2005-нчи йылда Арсенни Буйнакск районну ОВД-синде, уголовный розыскны начальниги, этип белгиленгенлер. 2006-нчы йылда буса ол Къарабудагъгент районну ОВД-синде УР-ну ёлбашчысы болуп ишин узатгъан. 2008-нчи йылны орталарындан сонг Арсен Айдиевни гене къайтып, Буйнакск районну ОВД-сини криминал милициясыны начальниги этип белгилеген.

Сонг ол 2011-нчи йылдан башлап РФ-ни ОМВД-сини Буйнакск районуну полициясыны ёлбашчысы, 2012-нчи йылны сентябр айындан башлап Буйнакск шагьарны ОМВД-сини начальниги болуп ишлей. 2015-нчи йылны май айындан башлап РФ-ни МВД-сини буйругъу булан Магьачкъаланы Киров районуну полициясыны бёлюгюню ёлбашчысы этилинип гёчюрюлген. Къайда ишлесе де намусу булан загьмат тёгюп юрюйген Арсен Айдиев бу 2021-нчи йылны май айыны 28-нден башлап Магьачкъала шагьарны Советский районуну ёлбашчысы этилинип сайлангъан.

Не ишге бакъдырылса да гьакъ юрекден ишин этмеге бажарагъан юртлубуз Арсен Айдиевге янгы белгиленген ишинде де уллу уьстюнлюк­лер булан оьрлюк ёрайбыз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2