Меню
16+

Сетевое издание "Району яшаву"  «Будни района»

04.06.2021 08:47 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Къышлыкъ сезонгъа гьазирленив

Автор: Багьавутдин Самадов

Талатгюн, июнь айны ­1-нде, район администрацияны жыйынлар оьтгерилеген уллу залында районну администрациясыны аппаратыны гезикли генгеши оьтгерилди.

Генгешни ача туруп, районну гьакимбашы Магьмут Амиралиев 2021-2022-нчи къышлыкъ сезонгъа гьазирленив районну ичинде лап да аслу ва агьамиятлы масъала экенлигин айтгъан сонг, шо ишни оьз болжалында ва тийишли даражада кютме тарыкълыгъын ташдырды. Олай да, ол ГРС станцияланы янгыртыв ва модернизациялашдырыв гьакъда да ойлашмакъны ва чаралар гёрмекни ачыкълашдырды.

2021-2022-нчи къышлыкъ сезонгъа бизин районубузну ичиндеги яшавлукъ-коммунал хозяйство къурулушланы гьазирленивю гьакъда доклад булан районну УЖКХ-сыны ёлбашчысыны орунбасары Магьаммат Абу­сайитов сёйледи.

Ол оьзюню сёйлевюнде оьтген йылланы гёз алдан гечирди ва кемчиликлени гьакъында баянлыкълар берди. Демек, ток линияларда токну гючю ёкълугъу, газ быргъыларда басылыв тёбен даражада экенлиги, ёлланы гьалы бузукълугъу ва ичеген сув булан таъмин этив тийишли даражада тюгюлю гьакъда эсгерди.

М.Абусайитов оьзюню сёйлевюнде эсгерген кюйде, 2021-2022-нчи къышлыкъ сезонгъа гьазирленив учун 32 миллион манатгъа ювукъ харж гёрсетиле.

Шо харждан 21 миллион 700 минг манатны къадарында ёлланы капитал ремонт этмек учун гёрсетиле. Олай да, газ быргъылар учун 3 миллион 500 минг манат ва иссилик системалар учун 3 миллион 120 минг манат гёрсетилежек.

Олай да, районну УЖКХ-сыны ёлбашчысыны орунбасары Магьаммат Абусайитов газ, ярыкъ, ичеген сув булан ватандашланы таъмин этмек учун чаралар юрюлегенин аян этди. Демек, эсги сув быргъыланы алышдырыв, ярыкъны гючюн яхшылашдырмакъ учун янгы трансформаторлар салыв, газ ва ярыкъ линияланы янгыртыв гьакъда ол айрыча эсгерди.

Оьзюню сёзюнде районну гьакимбашы М.Амиралиев «Къарабудагъгент районну 2030-нчу йылгъа ерли стратегиясы гьакъда» деген хас документни уьстюнде иш юрюлмеге башланажагъы гьакъда айрыча агьамият берип айтды. Шо хас документни онгармакъ учун республиканы юрт хозяйство министерлигини жаваплы къуллукъчулары Вагьап Къазибеков ва Михаил Лосев кёмегин болдуражагъын англатды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2