“Къолумда китап болса...”
Май айны 25-нде Дёргели юрт китапхананы ёлбашчысы Айшат Изиеваны сиптечилиги булан китапханаланы Бютюнроссия гюнюне багъышланып «Китапхана» деген чара оьтгерилген.
Чарада ерли шаир Р.Шихшайитова, Дёргели бир номерли школаланы ат къазангъан педагоглары Б.Убаева, Р.Алигьажиева, З.Уцумиева, З.Нурутдинова, А.Багьавутдинова ва охувчулары ортакъчылыкъ этди.
Чараны барышында жыйылгъанлар Дёргели юрт китапхананы янгыртывну гьайын этген районну башчысы М. Амиралиевге, китапхананы ёлбашчысы А.Изиевагъа баракалла билдирип сёйледи. Китапханаланы Бютюнроссия гюню булан къутлай туруп, чараны ортакъчылары юрт китапханачыланы, олай да райондагъы бары да китапхана къуллукъчуланы оланы касбу байрамы булан къутлады, олагъа кёп яхшылыкълар, савлукъ, ишинде уьстюнлюклер ёрады. Сёз берилген шаир Р. Шихшайитова китапханачыланы байрам булан къутлагъан сонг, олагъа оьзюню «Къолумда китап болса…» деген шиърусун багъышлады.
Муаллимлер китапланы пайдасы гьакъда хабарлады, яшлар учун да, уллулар учун да китаплар бек тарыкъ экенни, буссагьатда да оьзлер юрт китапханалагъа да, школа китапханалагъа да кёп сююп барагъанны айтды. Охувчуланы да китапханалагъа кёп бармагъа, китапланы кёп охумагъа чакъырды.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
