Меню
16+

Сетевое издание «Будни района»

25.06.2021 09:04 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Шатлы байрам

Автор: Нюрсагьадат Изамутдинова

Белгили кюйде, июнь айны 20-нда Россияда Медицина къуллукъчуну гюню оьтгериле. Демек, шо байрам гюн медицина тармакъда ишлейген докторланы, медсестраланы ва башгъа тюрлю къуллукъчуланы атына баракалла ва макътавлу сёзлер айтыла.

Шоллукъда, шо гюнге багъышланып, алдагъы гюнлерде Къарабу­дагъгент ЦРБ-де медицина къуллукъчуну гюнюне багъышлангъан шатлы чара оьтгерилди. Чараны барышында район больницаны къуллукъчулары булан бирче районну башчысы Магьмут Амиралиев де оьзюню ортакъчылыгъын болдурду.

Инг башлап, районну башчысы М.Амиралиев, Къарабудагъгент ЦРБ-ни баш врачы Р. Гьиравов ва больницаны оьзге къуллукъчулары Къарабудагъгент ЦРБ-де уьлгюлю загьмат тёгюп, абургъа лайыкълы болгъан медицина къуллукъчуланы эсделигини алдына жанлы гюллер салдылар.

Чараны барышында Къарабудагъгент ЦРБ-ни ёлбашчысы Р. Гьиравов медицина къуллукъчуну бугюнгю яшаву ва загьмат ёлу гьакъда баянлыкълар бере туруп, артдагъы бир йылны ичинде медицина къуллукъчулар коронавирус аврув булан ябушувда ал сыдырада токътагъанын ачыкъ этди.

«Къарабудагъегнт ЦРБ-ни гьюрметли къуллукъчулары! Бугюн сизин хас касбу байрамыгъыз булан къутлай туруп, сизге къатты савлукъ, ожакъларыгъызгъа берекет ва насип, ишигизде уьстюнлюклер ва оьрлюклер ёрайман.

2020-нчы йылны башында савлай элибизни елеген коронавирус аврувгъа къаршы ябушувда медицина къуллукъчулар лап да аслу ерни тута. Сиз шо тарыкълы ва рагьмулу ишигизни бугюнлерде де оьр даражада кютюп турасыз, олай да аврувлагъа багъа, оланы савлугъуну гьайын эте туруп, артдагъы айланы боюнда вакцина этив иш де сизин бойнугъузгъа салынгъан. Вакцина этивде сизин чалышывугъуз айрыча гёрмекли. Шо вакцинаны гьакъында халкъгъа тийишли ва англашылагъан кюйде баянлыкълар бермекни де тилеймен», — деп, оьзюню сёзюн тамамлады районну гьакимбашы М. Амиралиев.

Чараны барышында медицина къуллукъчуланы атына дагъы да кёп лайыкълы сёзлер айтылды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5