Меню
16+

Сетевое издание «Будни района»

18.06.2021 09:30 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Жамият булан ёлукъгъан

Автор: Багьавутдин Самадов

17-нчи июнда район администрацияны жыйынлар оьтгерилеген уллу залында Къарабудагъгент районну башчысы Магьмут Амиралиевни Къарабудагъгент юртну жамиятыны активи булан ёлугъув оьтгерилди.

Ёлугъувну барышында юрт администрацияны башчысы М.Гьасанов, юртну имамы Х.Бабатов, юртдагъы школаланы ва яшлар бавланы ёлбашчылары, юрт Жыйыныны депутатлары, тамазалар ва яшёрюмлер ортакъчылыкъ болдурдулар.

Ёлугъувну башында районну гьакимбашы М.Амиралиев 2020-нчы йылда чыкъгъан ва буссагьатда да арабызда бар коронавирус аврувну къыйынлыгъы гьакъда эсгерген сонг, шо аврувну токътатмакъ учун вакцина этмеге чакъырды. Олай да, ол юртну активине халкъны арасында вакцинаны гьакъында мекенли кюйде англатыв иш юрютмеге чакъырды.

Ёлугъувну барышында коронавирус аврувну гьакъында баянлыкълар ва маълуматлар булан Къарабудагъгент район больницаны баш врачы Расул Гьиравов, Дагъыстаны ат къазангъан врачы Залибек Залибеков мекенли кюйде айтгъан сонг, юртну жамиятын вакцина этдирмеге чакъырды.

Юртну гьакимбашы Магьмматсолтан Гьасанов оьзюню сёйлевюнде 2020-нчы йылда шо аврув кёп халкъгъа зарал гелтиргенин айтгъан сонг, оьзюню юртлуларына коронавирус аврувну яйылывун токътамакъ ва гьалны ёрукълашдырмакъ учун вакцина этмеге тарыкълыгъын ташдырды.

Ёлугъувда сёйлеген юртну имамы Х.Бабатов аврувну алдын алмакъ учун докторлагъа ёлукъмагъа, оланы таклифлерине тынгламагъа ва дарманлар ичмеге, уколлар этдирмеге ярайгъанын ачыкъ этди.

Ёлугъувну ахырында районну гьакимбашы Магьмут Амиралиев бирдагъы керен 2020-нчы йылда коронавирус аврув булан халкъ тарчыкълыкъгъа тарыгъанын эсгерген сонг, юртну халкъыны аслам пайы шо аврувгъа къаршы вакцина этдирмеге, савлукъну гьайын болдурмагъа чакъырды.

Шолай ёлугъувлар июнь айны 16-нда Къарабудагъгент районну Губден ва Къурбуки юртларында да оьтгерилген. Районну башчысы М.Амиралиев эсгерилген юртланы жамиятын да коронавирус аврувгъа къаршы вакцин этивге къуршалмагъа чакъыргъан.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3