Меню
16+

Сетевое издание «Будни района»

18.06.2021 09:13 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Пациентлени гьайы этиле

Алдагъы гюнлерде, демек, июнь айны 1-нде, С.Абусуевни атындагъы Къарабудагъгент район больницада участка врач Жамиля Абдуллатипова ва врач-кардиолог Умулайла Гьюсейнова адамланы савлугъун болдурмакъ муратда профилактика чара оьтгерди. Атлары эсгерилген эки де врач оьзлени иш ерлеринде пациентлени аврувларын багъагъанындан къайры да, гьар тюрлю аврувланы алдын алмакъ, савлугъун камиллешдирмек учун тюрлю чаралар оьтгере.

Шолай, тамакю тартывгъа къаршы бютюндюнья гюнюнде «Тамакю ва юрек аврувлар» деген баш булан юрюлген чарада олар тамакю тартывну заралы гьакъда айтды, тюрлю лакъырлашывлар оьтгерди. Олай да, «Курить – здоровью вредить» деген видеоролик гёрсетилди. Видеороликде адамны къаркъарасына никотинни заралы гьакъда ­англатывлар берилди. Чараны барышында врачлар тамакю тартыв адамны къаркъарасына, юрегине нечик зараллы экени гьакъда мисаллар гелтире туруп сёйледи.

Врачланы англатывларына, буварывларына иштагьланып тынглайгъан пациентлер де эсгерилген темагъа гёре оьзлени соравларын берип, олагъа гёре тийишли жаваплар алды.

Демек, пациентлер оьзлеге этилген консультацияны больницадан чыкъгъан сонг да, олай да гележек яшавунда къоллама болажакъ. Пайдалы ёлугъуву саялы, пациентлер докторлагъа оьзлени баракалласын билдирди. Озокъда, аврувлулар булан ёлугъуп оьтгерилген жанлы лакъырны бек агьамияты барына бары да мюкюр болдулар.

Магьамматшапи Гьажиев, Къарабудагъгент юрт

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5