Бетерин гёрсетмесин!
Июнь айны 13-нде бизин районну бир-бир юртларында къысгъа болжаллы гючлю телиянгур явуп халкъны къоркъутагъан мюгьлет тувулунгъан эди.
- Районда табии-хатабалагьлагъа къарайгъан бёлюгюню ёлбашчысы Абдурагьман Османовгъа “Телиянгур адамланы биналарына зарал этген юртлар бармы?”-деген соравну бергенде, ол булай деди:
- Гьар районда бырынгъы заманлардан тутуп ириген къарны сувлары, телиянгурлар гетеген табиат яратгъан къарывлар бола. Бизин Къарабудагъгент юртубузну Таха участкасында “Манас-Сергокъала” сылама ёлну бою булан агъым сувлар оьзенге агъагъан къарыв барны къайсыбыз да яхшы билебиз.
Тек, бир тайпа жаваплы къуллукъларда ишлейген ёлдашлар шо ерлени артда болгъан далапчылагъа пайлап берген. Олар да ёл ягъадагъы къарывланы топуракъ, чакъа тёгюп тюзлеп, агъым сувлагъа гетме ер къоймай биналар, оьзге къурулушлар ишлеген.
Табиатны аламатларына къаршы туруп болагъан гюч ёкъ. Муна, июнь айны 13-нде болгъан гючлю янгурну натижасында Къызташдан гелген ташгъын сувлар 10 бинагъа зарал этген.
Къакъашура юртда уллу машинлени агъыздыргъанлары да болду.
Районну башчысы райондагъы гьалны оьзюню тергевюню тюбюнде сакълай. Телиянгурну натижасында зарал болгъан уьйлерде болгъан.
Табии хатабалагьланы алдын алывда районну ичинде иш гёреген къурумлар, ДЭУП – 17, Электросет ва оьзгелери яхшы кёмегин болдурдулар.
Насипге, табии-хатабалагьны натижасында адамлагъа зарал болмагъан, – деди А.Османов.
РЕДАКЦИЯДАН:
Июнь айны 13-нде район администрацияны гезикли жыйынында районну башчысы М.Амиралиев ГОМЧС-ни ёлбашчысы А.Османовгъа тийишли къуллукъланы ёлбашчыларын да къуршап, комисс ия къурма, гележекде табии хатабалагьлар болмасын, ташгъын сувлагъа тогъассыз оьзенге тёгюлеген ёлланы ахтарма ва уьстюнде ишлеме тапшурувлар берди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
