Меню
16+

Сетевое издание «Будни района»

11.06.2021 09:10 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

56 выпускник экзамен берди

Белгили кюйде, июнь айны 7-нде школаланы выпускниклери математика дарсдан ЕГЭ-ни профиль къайдасын бердилер. Демек, оьр охув ожакъгъа охумагъа тюшмеге сюеген абитуриент орус тилден ва математикадан ЕГЭ-лер бермеге борчлу.

ДР-ни билим берив ва илму министерлиги береген маълуматлагъа гёре, математикадан ЕГЭ-ни профиль къайдасын бермек учун, 3337 выпускник шо гьакъда заявкалар берген. 7-нчи июнда ЕГЭ-ни оьтгермек учун 45 ППЭ иш гёрген.

Районну билим берив управлениеси бизге берген баянлыкълагъа гёре, 7-нчи июнда математика дарсдан оьтгерилген ЕГЭ-ден районну ичиндеги школаланы 56 выпускниги оьзлени ортакъчылыгъын болдурду.

Къарабудагъгент гимназияда шо гюн оьтгерилген ЕГЭ-ни барышына тергевюн болдурмакъ учун 2 толу ихтиярлы ва 3 жамият вакил ортакъчылыкъ этгенлер.

«Бизин районубуздан 56 выпуск­ник математикадан ЕГЭ-ни профиль къайдасын бердилер. 215 выпускнигибиз ГВЭ-ни бердилер. Шоллукъда, бизин районда 56 выпускник оьр охув ожакълагъа охумагъа тюшмеге умутлу.

Математикадан ЕГЭ оьр даражада оьтдю деп айтмагъа ярай. Бизин выпускниклерибиз математикадан ЕГЭ-ни уьстюнлю кюйде бережегине ва оьзлер сайлагъан оьр охув ожакълагъа билим алмагъа тюшежегине инанаман»,- деди районну администрациясыны башчысыны орунбасары Жалалутдин Жама­лутдинов.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

6