Меню
16+

Сетевое издание «Будни района»

28.05.2021 10:18 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Язылыв этмеге чакъырабыз!

Бугюнлерде 2021-нчи йылны 2-нчи яртысына газетлеге ва журналлагъа язылыв юрюлюп тура. Шоллукъда, «Районну яшаву» газетге язылыв башлангъан ва узатылып тура.

«Районну яшаву» газет районну халкъы булан тыгъыс байлавлукъ тутгъаны бу йыл 70 йылгъа айлангъан. Шо 70 йылны боюнда авлакъларда, гьар тюрлю бавларда, къойкъошларда загьмат тёгеген загьматчыланы, оьсюп гелеген наслубузгъа тарбия ва билим береген муаллимлени, аврувлагъа багъагъан ва олагъа эм табагъан докторланы, спорт ва маданият тармакъларда оьзгелеге уьлгюлю чалышагъанланы гьакъында хыйлы макъалалар ва очерклер язылгъан. Шолар булан янаша адилли ёлбашчыларыбызны, къоччакълыкъ гёрсетген игитлерибизни, юртларыбызны тарихлери, ата-бабалардан бизге къалгъан адатларыбыз, яш наслубузну оьрлюклери ва уьстюнлюклери гьакъда да маълуматлар берилген.

Артдагъы девюрде алдынлы маълумат технологиялар кёп къоллана. Шолар булан янаша газетлени ич ва тыш яшаву алышынгъан. Болса да, ана тилинде чыгъарылагъан анадаш районуну бугюнгю яшаву ва турушу гьакъда маълуматлар береген ерли газетни якъламагъа, шогъар язылывгъа къуршалмагъа тарыкълыгъы ачыкъдан да ачыкъ.

Неге тюгюл де, районну газетини бетлеринде ва сагьифаларында район ва ерли юрт администрацияланы, билим берив ва савлукъ сакълав, социал, маданият ва спорт идараланы иши гьакъда генг ва тийишли даражада баянлыкълар ва маълуматлар бериле. Олай да, юрт хозяйство тармакъда доланагъанланы ва оланы гелими гьакъда, кёп йылланы боюнда загьмат тёкгенлени гьакъында очерк­лер языла.

Гьюрметли охувчулар! сизин 2021-нчи йылны 2-нчи яртысына газетге язылыв этмеге чакъырабыз!

Редакция

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3