Манасгент орта школада
Май айны 22-нде районубузну охув ожакъларында охувчу яшлагъа Ахырынчы зенгге багъышланып шатлы байрам оьтгерилди. Демек, шатлыкъларда школаланы муаллимлери, выпускниклери, оланы ата-аналары, олай да чакъырылгъан къонакълар ортакъчылыгъын болдурду.
Шолай Ахырынчы зенг байрам Манасгент орта школада да оьтгерилди. Эртен сагьат 9 вакъти байрамча безенген школаны абзарына чакъырылгъан къонакълар, охувчулар, ата-аналар жыйылып ерлешдилер. Чараны юрютювчюлери бары да жыйылгъанланы шатлы байрам булан къутлап, бир башлап 1-нчи, сонг 9-нчу класланы охувчуларын ва оланы клас ёлбашчыларын чакъырды. Арты булан 11-нчи клас ва оланы клас ёлбашчысы чакъырылды. Сонг сёз берилген школаны директору Зюлфия Сайитова выпусниклени школаны битдиргени булан къутлай туруп, олагъа къатты савлукъ, ЕГЭ-лени уьстюнлю кюйде берип, муратларына етмекни ёрады. Сонг сёз берилген «Манасгент юрт» муниципал къурулувну башчысы И.Алиев выпускниклеге яшавда оьз ерин табып, яхшы касбучулар болмакъны ёрай туруп, оланы охутгъан муаллимлеге, ата-аналарына да баракалла билдирди. Школаны директору З.Сайитова ва юртну башчысы И.Алиев школаны инг яхшы охувчуларына, спортчуларына грамоталар тапшурду.
Оьз гезигинде 1-нчи класланы охувчулары оьзлени бийивлерин бийиди ва йырларын йырлады.
Олагъа шиъруларын багъышлады ва гюл байламлар савгъат этди. Байрамны ахырында Ахырынчы зенг къагъылды.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
