Меню
16+

Сетевое издание «Будни района»

28.05.2021 10:12 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Алданокъ сайлавгъа гьазирленив

Автор: Багьавутдин Самадов

25-нчи майда, оьтген талатгюн, район администрацияны жыйынлар оьтгерилеген уллу залында районну администрациясыны аппаратыны гезикли генгеши оьтгерилди. Генгешни ишинде район администрацияны бёлюклерини ёлбашчылары ва жаваплы къуллукъчулары булан бирче районну ичиндеги юртланы башчылары да оьзлени ортакъчылыгъын болдурдулар.

Генгешни ачгъан ва юрютген районну гьакимбашы Магьмут Амиралиев «Бирлешген Россия» Бютюн­россия сиясат партияны РФ-ни Пачалыкъ Думасыны ва ДР-ни Халкъ Жыйынына алданокъ оьтгерилеген сайлавлагъа (предварительное голосование) гьазирленивю гьакъда баянлыкъ бермеге «Бирлешген Россия» Бютюнроссия сиясат партияны Къарабудагъгент ерли бёлюгюню исполнительный секретары Бекболат Сахаватовгъа тапшурду.

Б.Сахаватов оьзюню сёйлевюнде эсгерген кюйде, 2021-нчи йылны май айыны 24-нде, 30-уна ерли, савлай республикабызда йимик, бизин районубузда да регистрация этилген кандидатлагьа гёре, алданокъ сайлавлар оытериле.

Демек, май айны 24-нден 30-у болгъунча, шо сайлав электрон онлайн къайдада pg.er.ru деген хае сайтда оьтгерилежек. 30-нчу майда, къаттыгюн, эртен сагьат 8-ден ахшам сагьат 8 болгъунча алданокъ сайлавлар сайлав участкаларда болажакъ.

«ДР-ни Халкъ Жыйынына Къарабудагъгент регион группада 13 кандидат регистрация этилген. РФ-ни Пачалыкъ Думасына ДР-ни Баш бир мандатлы 11 сайлав округдан 11 адам регистрация этилген. Къарабудагъгент районда алданокъ юрюлеген сайлавланы юрютмек учун 7 участка гьисап комиссия къурулгъан. Шо комиссиялар белгиленген хае участкаларда 30-нчу майда оьзлени борчларын кютежек», — деди Бекболат Сахаватов оьзюню сёйлевюнде.

Генгешни ахырында гётерилген масъалагъа гёре сёйлей туруп, районну гьакимбашы Магьмут Амиралиев оьзюню пикруларын айтды. Демек, алданокъ юрюлеген сайлавну оьтгермек учун белгиленген жаваплы къуллукъчулагъа сайлав участкаларда аманлыкъны болдурмакъны тапшургъан сонг, шо гюн сайлав участкаларда байрам чаралар ва юрт хозяйство ярмакюлер оьтгермеге таклиф этди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3