Меню
16+

Сетевое издание «Будни района»

28.05.2021 09:03 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Ахырынчы зенг къагъылды

Автор: Багьавутдин Самадов

Гьаманда йимик, гьар йыл охув йылны ахырында 9-нчу ва 11-нчи класланы тамамлайгъан охувчулар учун шатлы байрамлар оьтгериле. Демек, олагъа Ахырынчы зенг къагъыла. 2020-нчы йылда, коронавирус аврув себепли болуп, савлай элибизде Ахырынчы зенг къагъылыв байрамлар ва экзаменлени берив ончакъы шатлы шартларда оьтгерилмеди.

Насипге, 2021-нчы йылны Ахырынчы зенг къагъылыв байрамлары шатлы кюйде оьтгерилди. Шоллукъда, бу йыл Дагъыстан республикабызда 33 мингден къолай охувчу 11-нчи класны тамамлай. Къарабудагъгент районну билим берив управлениеси берген маълуматлагъа гёре, 2021-нчи йылны 269 выпускниги 11-нчи класны тамамлай. Олай да, 9-нчу класны битдиреген 1140 охувчу бар. Къабул этилген законлагъа гёре, 11-нчи класны тамамлайгъан выпускниклер ЕГЭ-лер (ГВЭ), 9-нчу класны битдирегенлер буса – ОГЭ-лер бермеге борчлу.

Оьтген сонгугюн, май айны 22-синде, анадаш районубузну ичиндеги бары да мактапларда Ахырынчы зенг къагъылыв байрамгъа багъышлангъан шатлы чаралар оьтгерилди. Шо чараланы барышында район администрацияны башчысы М.Амиралиев, район администрацияны жаваплы къуллукъчулары, районну ичиндеги юртланы гьакимбашлары ва олай да депутатлар, жамият чалышывчулар, муаллимлер ва яшланы ата-аналары оьзлени ортакъчылыгъын болдурдулар.

Къарабудагъгент гимназияда

Алдагъы гюн, май айны 22-синде, Къарабудагъгент школа-гимназияны алдындагъы майданчада Ахырынчы зенгге багъышланып шатлы мердеш оьтгерилди. Шо шатлыкъны ача туруп, гимназияны муаллимлери Умукюсюм Жамавова ва Бежев Муселемова жыйылгъан охувчуланы, оланы ата-аналарын, гелген къонакъланы Ахырынчы зенгге багъышлангъан шатлыкъ булан къутлады, бу йыл школаны тамамлайгъан охувчулагъа яхшы ёл ёрады. Россия Федерацияны гимни согъулгъан сонг, ортагъа ­чыкъгъан райондагъы яшланы яратывчулукъ уьюнде Рашит Ибрагьимовну ёлбашчылыгъы булан къурулгъан «Шатлыкъ» деген бийив ансамблини бир бёлюгюню ортакъчылары оьзлени къурч бийивлери булан охувчуланы шатлы байрамына уллу къошум этди. Сонг чыгъып сёйлеген гимназияны директору Адил Салаватов да йыл боюнда арымай-талмай яшлагъа билим беривде гьаракат этген муаллимлени, олай да бу охув йылда школаны тамамлайгъан охувчу яшланы атына лайыкълы сёзлер багъышлады.

Гьаманда йимик, охувчуланы шо шатлы байрамында ортакъчылыкъ эт­меге гелген районну ёлбашчысы Магь­мут Амиралиев де ­оьзюню къутлав сёзюн ­оьтген йылгъы коронавирус аврувну четимликлеринден шулай жыйылмагъа, байрам шатлыкълар оьтгермеге бажарылмагъаны гьакъда башлады.

Болса да, районну, республиканы, олай да савлай Россияны врачларыны гьаракаты булан шо авур аврувну бизде аз буса да енгме бажаргъанны эсгерди.

-Тек, шо загьру буссагьатда да бизде, Россияда оьмюр сюрегенни унутмагъа ярамай. Шо саялы да, биз, оьмюрге баргъан уллулар, вакцинадан баш къачырма тарыкъ тюгюлбюз. Шону этдирсек, биз айланабыздагъыланы да, яшларыбызны да савлугъун сакъламагъа болагъанны унутма тюшмей,-деди ол.

Школаны тамамлайгъан охувчулагъа буса ол ЕГЭ-лени, ОГЭ-лени оьр къыйматлагъа берип, оьр охув ожакъларда охувун узатып, халкъына, жамиятына пайдалы адамлар болуп оьсмекни ёрады. Ондан сонг сёз берилген районну жамият палатасыны ёлбашчысы Абдулгьамит Мамагишиев де бу йыл школа булан савболлашагъан охувчулагъа, 10-11 йыллар олагъа билим-тарбия берип юрюген муаллимлеге гележекде савлукъ булан узакъ оьмюрлер ёрады. Гимназиядагъы шатлыкъ охувчуланы чыгъышлары булан узакъ замангъа узатылды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2