Меню
16+

Сетевое издание «Будни района»

21.05.2021 11:13 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Уьлгюлю агьлю

Автор: Нюрсагьадат Изамутдинова

Гьар йыл май айны 15-нде дюньяда Агьлюню халкъара гюню белгилене. Белгили кюйде, агьлю яшны тарбиялавда инг де аслу ерни тута. Агьлюню халкъара гюнюнде агьлюлеге, оланы яшавуна, яшланы тарбиялавгъа айрыча тергев бериле. Шо гюнге багъышланып тюрлю конференциялар, етишип болмайгъан агьлюлер учун рагьмулу гьаракатлар оьтгериле.

Биринчи керен Агьлюню халкъара гюнюн оьтгермекни 1989-нчу йыл таклиф этилген. ООН-ну комитети жамиятны гиччи ячейкасыны гюнюн белгилемекни масъаласын арагъа салгъан. Тек, шо ойну бир-бир пачалыкълар якъламагъан.

90-нчы йылланы башында айрылагъан агьлюлени санаву гёрмекли кюйде артгъангъа гёре, 1993-нчю йыл ООН-ну генеральный Ас­самблеясы май айны 15- и Агьлюню халкъара гюню деп билдирген. Россияда шо гюнню 1995-нчи йылда белгилеме башлагъан.

Агьлюню халкъара гюнюнде Россияда кёп яшлар оьсдюрген ва яхшы тарбия берген агьлюлеге савгъатлар тапшурула, тергев ва макътавлар этиле. Агьлюде яшлар биринчи гюнюнден башлап савлай оьмюрюнде сюювню, дослукъну, татывлукъну гьис эте. Агьлюню парахатлыгъындан, яшавундан уьлкебизни гележеги ва ­оьсювю де гьасил бола.

Агьлюлени масъалаларын чечмек учун, Агьлюню халкъ­ара гюнюн бир аслу тема булан байлап шо масъаланы чечив муратда оьтгериле. Озокъда, шо масъалаланы бир гюнню ичинде чечмеге бажарылмай, сав йыл масъалаланы чечивге багъышлана ва узатыла.

Бу йыл да Агьлюню халкъара гюню халкъны, агьлюню яшав гьалын яхшылашдырмакъгъа багъышлангъан. Къарабудагъгент районну Дёргели юртуну адатлангъан маданият центрыны директору Саламат Тагьирова юрт администрацияны вакили Сайгидат Жамаева ва Дёргели 1 номерли орта школаны охувчулары булан бирче Мугьажир ва Испаният Татаевлени агьлюсюнде къонакълыкъда болду, оланы Агьлюню халкъара гюню булан къутлады. Мугьажир ва Испаният татывлукъда яшайгъаны 66 йыл бола. Олар 5 яшны: 1 уланны ва 4 къызны тарбиялап оьсдюрген. Яшларыны яшлары 16, торунлары да (правнуки) 31 бар. Бу йыл Мугьажирни 90 йыллыкъ юбилейи бола, уьягьлюсюне буса 86 йыл тамамлана.

Мугьажир Татаев «Дёргели» совхозда 10 йыл ишлеген, шо йылланы ичинде юртда 9 объект: школа, маданият уью, контораны бинасы, яшлар баву, совхозну бинасы, китапхана, эки сув сакълайгъан ер ва башгъалары ишленген. Юртлулар учун газ быргъылар тартылгъан. Манас, Паравул, Къоркъмаскъала совхозланы баш агроному болуп да М.Татаев 16 йыл ишлеген. Сонг эки йыл Сергокъалада старший инспектор болуп чалышгъан.

Уьягьлюсю Испаният Мугьажирге аркъатаяв да, инамлы къурдаш да, ёлдаш да, агьлюдеги очакъны сакълавчу да болгъан. Мугьажир учун инг де аслу ерни ону агьлюсю тута. Тюзю, адатлагъа гёре тарбиялангъан яшлары уллу болгъан ата-анагъа бек гьайлы янаша, татывлукъда, бир-биревге абур этип яшав къура.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3