Меню
16+

Сетевое издание «Будни района»

21.05.2021 11:10 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Хантав болма тюшмей

Автор: Шихав Къайирбеков

Гетген йыл районубузну гьайванчылары гьайванланы токъ къышлавун болдурувда кёп четимликлени башдан гечирдилер. Бизин районда гьайванлагъа къатты емлер топлама имканлыкълар болмады. «Ёкъну ери къатты бола» дегенлей, базарларда къатты емлени багьалары кёклеге гётерилип гетди. Къайда барагъан затдыр? Будай, дюгю саламны бир тайыны багьасы 180-200 манатгъа гётерилген эди. Март айны биринчи яртысында болгъан къалын къарлардан сонг чу емлени багьаларыны гётериливю адам айтса инанмайгъан даражагъа ерли гёте­рилген эди. Бир тай биченни багьасы — 350, люцернаны багьасы 380 манатгъа чыкъ­гъан эди.

Бизин уьлкеде бир затны багьасы гётерилсе, дагъы эниш тюшмей. Муна, буссагьатда да Манас базарда бир тай люцерна биченге 300 манат дей.

Бизин якъларда жамият гьайванлагъа ем топлав сезон башланма ювукъ бола тура. Бу йыл да бизин районну отлавлукъларында табии биченликлерде от макътардай тюгюл. Болса да, гьайван, мал булан доланагъан ёлдашлагъа ем топлавда ерли имканлыкълардан пайдаланып емлени гьайын этсе, яхшы болур.

Алда уллулар айта туруп эшитгенмен, чалгъыны селп­генде гьайвангъа бир хапма от чыгъа буса, шолай участкалардан ем топлама бола дей эдилер.

Гьали къол чалгъылар булан ем топлайгъанлар да ёкъ. Амма бугюнлерден тутуп къатты емлени гьайын этсе, яхшы болур. Базарлардан сатып алабыз дейгенлер де гьалиден тутуп емлени гьайын этсе, утдурмас.

Гетген йыл сонг алабыз, сонг алабыз деп, ем топлавну артгъа теберип тургъан ёлдашлар кёп затны утдурдулар. Гьайванларына таман даражада ем топламагъан, емлени гьайын этмеген ёлдашланы гьайван-малы азизленип, мурдар болгъанлар да болду.

«Бир тырнавучгъа, эки керен басмай» дегенлей, жамият гьайванлагъа ем топлавда гетген йыл йиберилген кемчиликлени такрарлавдан сакъ болма тарыкъ.

«Гьайванны сютю тилинде бола дей». Шо саялы гьайван-мал булан доланагъанлагъа мугькам ем база болдурувдан хантав турма тюшмей.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0