Экзаменлеге онгарылыв
Тюнегюн, 20-нчы майда, район администрацияны жыйынлар оьтгерилеген уллу залында районну башчысы Магьмут Амиралиев районну ичиндеги школаланы ёлбашчылары булан генгеш оьтгерди. Генгешни барышында 9-нчу ва 11-нчи класланы тамамлайгъан охувчулары ва выпускниклери ОГЭ-лени ва ЕГЭ-лени уьстюнлю кюйде беривю гьакъда лакъыр болду. Олай да, ахыр зенг къагъылывну байрамыны гьакъында да гьакълашыв болду.
Гётерилген масъалалагъа гёре районну билим берив управлениесини ёлбашчысы Тажли Ибрагьимова сёйледи. Ол оьзюню сёйлевюнде ОГЭ-лени ва ЕГЭ-лени оьтгериливю гьакъда тындырыкълы кюйде баянлыкълар берди.
Демек, бу йыл 11-нчи класланы тамамлайгъан 269 выпускник бар. ОГЭ-лени бермек учун 1140 охувчу арза берген. Билим берив управление декабр ва март айларда сынав ОГЭ-лер ва ЕГЭ-лер оьтгергенин Т. Хизриева ачыкълашдырды.
«Районну ичинде ОГЭ-лени ва ЕГЭ-лени оьтгермек учун ППЭ-ни 4 ёлбашчы, ЕГЭ-лени оьтгермек учун – 57, ОГЭ-лени буса – 196 къуллукъчу онгарылгъан. ОГЭ-лер гимназияда, Гьели ва Манасгент орта школаларда оьтгерилежек. ЕГЭ буса янгыз Къарабудагъгент гимназияда оьтгерилежек. Шоланы тийишли даражада оьтгермек учун онгарылывлар юрюле», — деп, оьзюню сёйлевюн Тажли Хизриева тамамлады.
Сонг сёйлеген районну гьакимбашы Магьмут Амиралиев ОГЭ-лени ва ЕГЭ-лени беривде выпускниклеге ва муаллимлеге оьрлюклер ва уьстюнлюклер ёрагъан сонг, Ахырынчы зенг къагъылыв байрамны да оьр ва къурумлу даражада оьтгермекни тапшурду. Чинкдеси, шо чараланы оьтгеривде аманлыкъ болдурмагъа тарыкълыгъын районну башчысы М. Амиралиев бирдагъы керен ташдырды.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
