Юртланы башчылары...
Манас
Уллу Ватан давну ортакъчыларындан къалгъан къатынланы байрам булан къутлавланы узата туруп, Манас посёлокну башчысы Магьамматсайит Магьамматов Умукюсюм Гьюсейнованы уьюне барды. Ону етип гелеген Уллу Уьстюнлюкню гюню ва Оразабайрам булан къутлап, огъар гиччирек эсделик савгъатлар тапшурду. Ёлугъувну барышында олар агьлю учун белгили тархланы, эсделик гюнлени гьакъында хабарлады.
| probekenez_183139389_127270142697289_3088318264411018723_nHYH.jpg | (241,2 КБ) |
|---|---|
| UUIYU.jpg | (169,6 КБ) |
Къакъашура
Май айны 8-нде «Къакъашура» муниципал къурулувну башчысы Уллубий Билалов, ишлени юрютювчюсю Атикат Агьматова, юртну башчысыны кёмекчиси Абдулкъапул Акаев ва юрт администрацияны къуллукъчусу Исманият Мамаева ёлдашлар булан бирче давну ортакъчыларындан къалгъан къатын Кахрабат Зайнукованы уьюне барып, ону етишип гелеген Уьстюнлюкню гюню булан къутлады. Огъар гюллер ва гиччирек савгъат тапшурду.
Гьели
«Гьели юрт» администрацияны башчысыны орунбасары Р.Агъаев Гьели юрт ЦТКНР-ны директору Нюрияханум Шамилова булан бирче Уллу Ватан давну ортакъчысындан къалгъан къатын Умулайла Мугьутдинованы етип гелеген Уллу Уьстюнлюкню гюню булан къутламакъ учун оланы уьюне барды. У.Мугьутдинова булан лакъырлашып, ону гьалын-кююн сорады, гьар тюрлю вакътилени эсге алды. Къонакълар огъар гюллер ва эсделик савгъат тапшурду.
Къурбуки
Май айны 9-нда «Къурбуки юрт» администрацияны башчысы Магьамматгьабип Маматгереев ва Къурбуки юрт депутатланы Жыйыныны председатели Магьамматгьабип Абдуллаев Уллу Ватан давну ортакъчысындан къалгъан Салигьат Айдиеваны уьюне барды. 1922-нчи йыл тувгъан С. Айдиевагъа савлукъ ёрай туруп, ону Уллу Уьстюнлюкню гюню ва гелеген Оразабайрам булан къутлады, огъар гюллер ва эсделик савгъат тапшурду.
Оьзлеге этилген тергев ва абур саялы, давну ортакъчыларындан къалгъан къатынлар районну башчысы Магьмут Амиралиевге, юртланы башчыларына разилигин билдирип, олагъа къатты савлукъ, агьлюлерине парахатлыкъ, ишинде оьрлюклеге етишмекни ёрады.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
