Меню
16+

Сетевое издание «Будни района»

12.05.2021 09:56 Среда
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Районну башчысы ...

Май айны 8-нде, демек, Уллу Устюнлюкню гюнюню алдында, Къарабудагъгент районну башчысы Магьмут Амиралиев район депутатланы Жыйыныны председатели Адил Салаватов, районну социал сиясат Управлениесини, маълумат сиясат управлениесини ёлбашчылары, башгъа маълумат къуралларыны вакиллери булан бирче Уллу Ватан давну ортакъчыларындан къалгъан къатынланы уьйлерине барып, оланы байрам булан къутлады.

Шо гюн олар Къарабудагъгент юртда яшайгъан Жаврият Айдемированы уьюне барды. Уьйеси оланы бек сююнюп, исси къаршылады. Жаврият Айдемированы гьалын-гюнюн сорап, лакъырлашгъан сонг, районну башчысы ону етишип гелеген Уллу Уьстюнлюкню гюню ва Оразабайрам булан къутлады, огъар къатты савлукъ ва кёп яхшылыкълар ёрады.

Сонг районну делегациясы башында М.Амиралиев де булан Губден юртгъа барып давну ортакъчысындан къалгъан къатын Райгьанат Гьажиеваны да етишип гелеген байрамлар булан къутлап, огъар савлукъ ва узакъ оьмюр ёрады. Районну башчысы булан Р.Гьажиеваны ва Ж.Айдемированы Къарабудагъгент ва Губден юртланы башчылары да къутлады.

«Бизге насипли гележек ва ярыкъ яшав болдургъан давну ортакъчыларыны эсделигине биз гьар даим абур этме борчлубуз. Бизин аталарыбыз ва уллаталарыбыз, олар булан бирче оланы агьлюлери де бир болуп Уллу Уьстюнлюкню гюнюн чалтлашдыргъан, адамлыкъны оьлюмден къутгъаргъан. Биз оланы атларын эсде сакъламагъа, олар булан оьктем болмагъа борчлубуз», — дей Магьмут Амиралиев олар булангъы лакъырлашывларында.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4