Меню
16+

Сетевое издание «Будни района»

09.04.2021 08:49 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Юзюмлюклерде бугюнлерде

Автор: Шихав Къайирбеков

Районубузну барлыгъы да, байлыгъы да юзюмчюлюк тармакъ булан байлавлу десек къопдурув болмас. Артдагъы йылларда районну юрт хозяйство управлениесини касбучулары топуракъланы ишлетивге, топуракъда доланагъанлагъа гьукуматны янындан этилеген кёмеклени халкълагъа тюз англатма этген гьаракаты гьали яхшы гьис этиле.

Районда топуракъланы ишлетив, юзюм, емиш бав орнатыв ишлер артып юрюй.

Районну экономикасына аслам къошум этеген, сав йыл­ны боюнда адамлагъа иш ерлер болдурагъан юзюмчюлюк тармакъда ишлер алгъа бара деп айтма болабыз.

Янгыртып къурувну девюрюнде бютюнлей дагъытылгъан юзюмчюлюк тармакъны майданлары, участкаланы тюшюмлюлюгю йыл сайын артып юрюй.

Буссагьатгъы вакътиде районда умуми алгъанда 2111 гектарда юзюм бавлар бар. Шо участкаланы 1508 гектары – планлы кюйде тюшюм береген юзюм­люклер.

Тарихге гетген 2020-нчы йылда районубузну юзюмчюлери гёрмекли уьстюнлюклени къолда этдилер. Демек, 13 минг тондан къолай гюнешни емиши болдурулду. Шо юзюм болдурувда лап гёрмекли натижа гьисаплана. Бугюнлерде районну юзюм плантацияларында 2021-нчи йыл­ны мол тюшюмюне мугькам кюрчю сала туруп, борлагъа къуллукъ этив ишлер агротехника гёрсетеген болжалларда къурумлу кюйде узатылып тура. Къуру бутав ишлер тамамлангъан. 1057 гектардагъы юзюмлюклени тюеги байланып битген. Яш юзюмлюклени де гьисап­гъа алгъанда 1806 гектардагъы юзюмлюклени сыдра аралары сюрюлген. 1677 гектардагъы юзюмлюклени сыдра араларына культивация этилген.

Юзюмлюклени минерал кюйлевючлер берип азыкъ­ландыргъан сабанчы-фермер хозяйстволар да бар.

Борлагъа къуллукъ этивде Агрофирма «Герей-тюз» ООО-ну, КФХ “Далап”, “Шанс”­ ва оьзге коллективлени юзюмчюлери яхшы сиптечилик гёрсетип ишлейлер.

Борлагъа къуллукъ этивде Къарабудагъгент, Уллубийавул юртланы халкъларыны гьаракатын да айрыча эсгерсе де ярай.

Районну юзюм бавларында эрте язбашгъы авлакъ ишлени барышы гюн сайын чалтлаша.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2