Меню
16+

Сетевое издание «Будни района»

09.04.2021 09:14 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Вакцинни этдиригиз!

Автор: Багьавутдин Самадов

Алдагъы гюнлерде Къарабудагъгент район больницаны баш врачы Расул Гьиравов коронавирус аврув булангъы райондагъы гьалны ва вакцин этдиривню гьакъында баянлыкълар берди.

Р.Гьиравовну сёзлерине гёре, апрель айны 5-ине районну ичинде умуми алгъанда 1474 адам вакцин этдирген. Олай да, алдагъы гюнлерде бизин район больницагъа вакцинни 800 оьлчевю (доза) гелген.

Вакцинни сакъланывуну гьакъында айта туруп, КЦРБ-ни ёлбашчысы оланы сакъламакъ учун тийишли холодильниклер бар экенлигин англатды. Шоланы ичинде тарыкълы чакъы температура болагъанын аян этди.

Р.Гьиравов коронавирус аврув гелгенли, районну больницасында 81 адам, сонг да янгыз бу йылны ичинде 5 адам гечингенлигин айтды.

Озокъда, авруву оьрчюкгенлеге, айлы къатынлагъа ва дагъы да гери урулагъанлагъа вакцинни этдирмеге ярамайгъанын англатды .

Район больницаны баш врачы оьмюр чагъы 60 йылдан уллулагъа да вакцинни этдирмеге ярайгъанын, олай да узакълашгъан (хронический) авруву барлагъа да вакцин этдирсе, оланы аврувуна зарал болмайгъанын ачыкълашдырды.

Р. Гьиравов оьзюню баянлыкъ сёзюнде медицина къуллукъчулар районну ичиндеги юртлагъа барып, вакцинни этгенин де эсгере туруп, шо сынавну узатмагъа умутлу экенлигин айтды.

Оьзюню сёйлевюню ахырында Къарабудагъгент район больницаны баш врачы Расул Гьиравов адамлагъа вакцинни этдирмеге таклиф этген сонг, шолай этилсе, умуми халкъны савлугъун сакълавгъа болушлукъ болажагъын бирдагъы керен ачыкъ этди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

6