Меню
16+

Сетевое издание «Будни района»

09.04.2021 09:36 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Сакълыкъ тарыкъ...

Автор: Шихав Къайирбеков

Апрель айны 6-нда, демек, район администрацияны талатгюнлер оьтгерилеген гезикли жыйынында оьзге масъалалар булан янаша районда яшавлукъ уьйлени, халкъ-хозяйство къурулушланы, орманлыкъланы, юрт хозяйство чачывланы, айлана якъны от тюшювлерден къоруп сакълав масъалагъа да къаралды.

Чарада районда от тюшювлени алдын алывгъа байлавлу Каспийск шагьаргъа ва бизин районгъа тергев болдурагъан ва профилактика ишлер юрютеген 5 номерли бёлюкню ёлбашчысы Ё.Гьамзатов районда от тюшювлени гьакъында къысгъаракъ маълумат берди.

Ёнжаги Гьамзатовну сёйлевюнде ачыкъ болгъаны йимик, гетген йыл районда 17 от тюшювлер болгъан. От тюшюв себеп болуп, бир адам оьлген.

От тюшювлени натижасында районгъа бир миллион манатдан да къолай зарал болгъан.

Районну юртларында бол­гъан от тюшювлеге аслу себеп – газны къоллавну къайдаларын тюз юрютмейгенликден амалгъа гелген.

Докладчы оьзюню сёйлевюн узата туруп, гьали чакъгъа исси тюше геле. Адамлар эрте язбашгъы авлакъ ишлени массовый кюйде башлагъанлар. Загьматчылагъа йыл боюнда бавда, бахчада топлангъан къалды-къулдуланы якъма гери урула. Айрокъда авлакъларда эсгини, татавул бойлардагъы къамушланы бирдокъда якъма тюшмей. Хата болуп, отну ялыны авлакълагъа, табиатгъа уллу зарал гелтирме бола.

Ватандашлар, фермерлер оьзлени участкаларында чёп отланы, эсгини яллатып тайдырма токъташгъан буса, алданокъ тийишли къуллукълагъа билдирме герек. Низамны бузгъан ёлдашлагъа къоду салына, от тюшюв­лерден болгъан заралны къадарына гёре админис­тратив жавапгъа тартылма болагъанын да ачыкълашдырды. Районда от тюшювлени алдын алмакъ муратда юрт администрацияларда от сёндюреген гёнгюллю дружиналар, мобильный группалар къурма таклиф этди.

Оьзюню сёйлевюн тамамлай туруп, Ё.Гьамзатов районда от тюшювлени алдын алывда юрт хозяйство чачывланы, орманлыкъланы яйны яллавлу гюнлеринде от тюшювлерден къоруп сакъламакъ учун от тюшювлени алдын алывда касбучуланы гёрсетивлерин къатты кюйде кютме, от тюшювлени алдын алывгъа жаваплы янашма чакъырды.

Докладчыдан сонг сёйлеген районну башчысы М.Амиралиев юртланы башчыларына, оьзге къурумланы вакиллерине от тюшювлени алдын алывда МЧС-ни касбучулары булан бирликде иш гёрмеге тапшурувлар берди. Чачывланы бойларын орманлыкъланы юрт ягъа бойларын от тюшювге къаршы 4-5 метр генглиги булан сюрме таклиф этди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0