Садагъалар уьлешине
Оьтген йыл Байболатгьажини атындагъы рагьмулу фонд районну ичиндеги 16500 агьлюге кёмек гьисапда 50 килолукъ бирер къап ун ва шекер уьлешген эди. Шону аслу мурады коронавирус аврув пандемияны лап да гючлю вакътисинде халкъгъа кёмек болдурмакъ эди.
Эсгерилген фонд оьзюню шо рагьмулу ва зувап ишин бу йылда да узата. Демек, муна алдагъы гюнлерде Къарабудагъгент юртда шолай садагъа уьлешинмеге башланды.
Айтагъаным, юрт Жыйыныны депутатларыны ва жагьиллени кёмеклиги булан ун ва шекер къаплар адамланы ожакъларына етишдириле. Шо ишге болгъан чакъы юртну яшёрюмлерин ва жагьиллерин къуршалмагъа ва кёмеклешмеге чакъырабыз.
Олай да, жамиятны атындан Байболатгьажини атындагъы фондну ёлбашчыларына гьакъ юрекден баракалла билдиребиз. Этген садагъаларыгъызны Аллагь къабул этсин! Рагьмулулугъуз ва чомартлыгъыгъыз гюн сайын артсын!
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.