Меню
16+

Сетевое издание «Будни района»

30.04.2021 08:55 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Жая атышывдан...

Автор: Абдуллабек Самадов

Артдагъы йылларда Къарабудагъгент юртда район администрацияны, спорткомитетни ёлбашчыларыны даимлик тергевюню натижасында спортну янгы-янгы жураларын арагъа гийирип, яш наслуну шолай спорт оюнлар булан машгъул этип, орам саякълыкълардан айырмакъ учун яхшы гьай этилеген болгъан. Айтагъаным, бизде кёпден берли арагъа чыкъмагъан жая булан атышыв спорт арт вакътилерде арагъа чыгъып гётериле геле.

Муна алдагъы гюнлерде, апрель айны 18-нде, Къарабудагъгентдеги «Олимп» спорткомплексни майданчасында «Шёлковый путь» деген федерацияны ва районну спорткомитетини сиптечилиги булан жая атышывдан район ва республика ачыкъ ярыш оьтгерилген. Шо ярышларда жая булан атышыв спортну сюеген 80-ден де артыкъ яшёрюмлер ва эсли спортчулар ортакъчылыкъ этгенлер. Шо гюнгю ярышларда тюш болгъунча 5 тюрлю оьмюрлюк категориядагъы жая атывчулар булан район ярышлары, тюшден сонг буса 2 оьмюрлюк категориядагъылар булан республика ярыш юрюлген.

Ярышлар дослукъну ва къурдашлыкъны шартларында бек къужурлу юрюлген. Ярышланы ахырында чыгъарылгъан гьасиллеге гёре, район ярышны ортакъчыларындан:

7 йылгъа ерли оьмюрдеги гиччипавланы арасында: Ибрагьим Гьамитов (Къарабудагъгент) 1-нчи, Абдурагьман Гьажиев (Къарабудагъгент) 2-нчи, Али Давутов (Къарабудагъгент) 3-нчю ерлени алгъанлар.

8-12 йыл оьмюрдеги спортчуланы арасындан:

Магьамматгьажи Гьажиев (Манасгент) 1нчи, Ислам Къурбанов (Къарабудагъгент) 2-нчи ер, Магьаммат Гьажиев (Къарабудагъгент) 3-нчю ерлеге ес болгъанлар.

13-16 йыл оьмюрдегилени арасында:

Умар Гьажиев (Къарабудагъгент) 1-нчи, Гьажи Асадуллаев (Къарабудагъгент) 2-нчи, Адилгерей Атаев (Къарабудагъгент) 3-нчю ерлени къазангъанлар.

17 йыллыкъ оьрюм спортчуланы ва уллуланы арасында:

Магьаммат Идрисов (Къурбуки) 1-нчи, Магьаммат Ниъматуллаев (Къарабудагъгент) 2-нчи, Магьамматрасул Агъабеков (Къарабудагъгент) 3-нчю ерлени алгъанлар.

50 йыллар болагъан спортну ветеранлары ва дагъы да уллу оьмюрдегилени арасында:

Рашитхан Давутов (Къарабудагъгент) 1-нчи, Багьавутдин Чопдиев (Магьачкъала) 2-нчи, Арсен Батырмурзаев (Къарабудагъгент) 3-нчю ерлени къазангъан.

Шо гюн жая атывну (кросс-арчери) къайдасындан юрюлген республика ярышны гьасиллерине гёре:

13-16 йыллыкъ спортчуланы арасында:

Адилгерей Атаев (Къарабудагъгент) 1-нчи, Умар Гьажиев (Къарабудагъгент) 2-нчи, Гебек Гебеков (Къарабудагъгент) 3-нчю ерлеге ес болгъан.

17 ва дагъы да уллу оьмюрдеги спортчуланы арасында:

Ибрагьим Ибрагьимов (Къарабудагъгент) 1-нчи, Завур Давутов (Къарабудагъгент) 2-нчи, Казим Балашев (Къарабудагъгент) 3-нчю ерлени алгъанлар. Шо гюнгю ярышланы юрюшюнде жая атывну мердешлерин де кюте туруп, чалтлыкъда 5 окъну нишангъа урмагъа герекли къайдасы да юрюлген. Шо къайда булан юрюлген ярышда Магьамматсалам Алимурзаев (Манас) 1-нчи, Болат Гьажиев (Къарабудагъгент) 2-нчи, Казим Балашев буса 3-нчю ерлени алгъанлар.

Ярышланы ахырынчы жамын чыгъаргъан сонг, «Шёлковый путь» деген федерацияны ёлбашчысы Жамал Махтибеков шо гюнгю ярышланы оьтгеривде аслам къошумун болдургъан райспорткомитетни ёлбашчыларына, спонсорлукъ кёмегин этген «Возрождение» СП СПК-ны ёлбашчысы Абдулмуслим Айдиевге, сонг да ярышланы юрюшюнде гьакъ юреги булан баш судьяны борчларын намуслу кюйде кютген Болат Гьажиевге федерацияны янындан баракалласын билдирген. Шо гюнгю жая атышыв ярышланы алдынлылары къазангъан ерлерине гёре медаллар, кубоклар, грамоталар ва эсделик багьалы савгъатлар булан савгъатлангъанлар.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3