Меню
16+

Сетевое издание «Будни района»

30.04.2021 09:39 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Жамият советни жыйыны видео:https://youtu.be/R0-JSckISFs

Автор: Калимат Элмурзаева

Апрель айны 28-нде район администрацияны жыйынлар оьтгерилеген залында савлукъ сакълав министерлигини Жамият советини районну Жамият совети булан бирликде жыйыны оьтгерилди.

Жыйында Къарабудагъгент районну башчысыны орунбасары Жалалутдин Жамалутдинов, ДР-ни савлукъ сакълав министрини орунбасары Райиса Шахсинова, ДР-ни Жамият советини орунбасары Ильяс Шихсайитов, ДР-ни савлукъ сакълав министерлигини Жамият советини уьюрю Абдулла Гьажиев, Къарабудагъгент районну Жамият советини председатели Абдулгьамит Мамагишиев ва башгъалары ортакъчылыгъын болдурду.

Жыйында доклад булан савлукъ сакълав министерлигини Жамият советини уьюрю Абдулла Гьажиев район ЦРБ-де оьтгерилген тергев ишлени гьасиллери булан чыгъып сёйледи. Ол оьзюню сёйлевюнде:

-Биз Къарабудагъгент район больницадагъы медицина кёмеклени нечик гьалда экенин эки керен тергедик.

Россия Федерацияны Президенти В.В.Путинни Федерал Жыйынгъа этген Чакъырывунда медицина масъалалагъа аслу тергев бериле.

Артдагъы йылланы алсакъ, Къарабудагъгент район ЦРБ-де кёп тюрлю ишлер этилген, тек дагъы да этме тарыкълы кёп ишлер бар. Гетген 2020-нчы йылны алсакъ, Къарабудагъ­гент район ЦРБ-ни аслу ишлерине орта багьа берип болабыз.

Демек, бинасыны ремонту, къураллары янгы, «Скорая помощь» машинлери, Къурбуки юртда больница ачылыву.

Олай да, «Земский доктор» деген программагъа гёре, район больницада кёп жагьил докторлар иш гёре.

Тек, оланы ишинде кемчиликлер де бар деп айтма болабыз.

Демек, янгы тувгъан яшланы оьлюмю артагъанлыкъ, аврувлагъа тийишли тергев берилмейгенлик, онкология аврувланы аянгъа чыгъарывуна немкъорай янашагъанлыкъ, рецептлеге гёре гьавайын дарманлар алып болмайгъанлыкъ, туберкулёздан авруйгъанланы санаву артагъанлыкъ. Справкада биз шогъар гёре тапшурувлар бергенбиз.

Къарабудагъгент районда 85 мингден къолай ватандашлар яшай. Оланы ичинде 55 минг 674-ю уллулар, къалгъан 30 минги– яшлар. Районда 3 участка больница, 6 ФАП, 8 врачебный амбулатория иш гёре. Шоланы барыны да ишлерин яхшылашдырма гереги гьакъда айтылды.

Чарада сёйлеген Къарабудагъгент районну Жамият советини председатели Абдулгьамит Мамагишиев районну Жамият совети шолай тергев ишлер оьтгерип туражакъны гьакъында эсгерди. Оьзюню сёйлевюнде Жанга ва Ленингент юртлардагъы ФАП-ланы гьалы бек бузукъ экенни ва башгъа тюрлю масъалаланы гьакъында айтды.

-Эпидемия болгъунча, пачалыгъыбызны вакиллери медицинаны масъалаларына къарамай эди. Тек, пандемиядан сонг шо гьал алышынды. Ватандашланы медицина къуллукъчулагъа бакъгъан якъдагъы аралыгъы алышынды. Докторлар бары да бир болуп пандемияны заманында аврувланы къутгъармакъ учун бары гючюн салып ишледи,- деди оьзюню сёйлевюнде А.Мамагишиев.

Жамият советни таклифлерин бизин докторлар этер деп эсибизге геле.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3